Tía Casca

De Biquipedia
Ir a la navegación Ir a la búsqueda

A Tía Casca ( ¿ - †1850) estió una muller de Trasmoz d'o sieglo XIX, conoixida encara hue como bruixa por tot lo semontano de Moncayo por fer servir charapotes y conchuros ta deixar embruixadas a chents y bestias d'o lugar, provocando-les malotías u mala suerte por o que seguntes os diarios d'a epoca fue despenyata en l'anyo 1850.[1] A chent diz que dimpués d'a suya muerte continó dondiando por ixe lugar ya que o diaple no se la querió levar ta l'infierno.

Gustavo Adolfo Bécquer replega en una d'as suyas Cartas desde mi celda (Cartas dende a mía fosqueta) feitos d'ista mena relacionaus con ista muller y a descripción d'a suya muerte en boca d'un pastor d'a redolada:

Se tractaba de l'asasinato d'una pobre viella a qui os suyos convecins acusaban de bruixa[…] quan o pastor, que me veyeba puyar dende luent, me dió un chilo advertindo-me que no prenese a endrecera d'a tía Casca si quereba plegar sano y salvo ta la tuca.

[…]-Holio! -exclamé alavez como sorprendiu, encara que, a decir verdat, ya m'asperaba una contestación d'ista u pareixida mena.- Y, en qué custodias s'entretien l'anima d'ixa pobre viella por istas encotradas?
-En atosegar y encorrer a os infelices pastors que s'arriscan por ixa parti de tozal, ya fendo rudio entre as matas, como si fuese un lupo, ya fendo chemecos como de criatura u acurrucando-se en as recrebazas d'as rochas que son en o fundo d'o salto, dende do grita con a suya man amariella y ixuta a os que van por o canto, les finca la uellada d'os suyos uellos de bub y quan o vertigo escomencipia a esbandir o suyo tozuelo da un gran blinco, se les acarraza a os pietz y baralla dica ixerbigar-los por a simera... Bai, maldita bruixa! -exclamó dimpués d'un inte, y devantando o punyo encarranyau enta las rochas, como menazando-la-.

[…]I plegoron os mozos en o suyo seguimiento, y a tuca se implió de chents, istos con cantals en as mans, aquells con tochos, os de dillá con cutiellos […]«Ah bruixa de Lucifer, ya ye tardi ta aclamaduras, ya te conoixemos totz!» «Tú diés un mal a o mío masto, que dende alavez no querió fer un mueso y morió de fambre, deixando-me en a miseria!», deciba uno. «Tú has dau mal a o mío fillo y lo quitas d'a cuna y lo ixordicas por as nueitz!», adhibiba unatro, y cadagún exclamaba por o suyo canto: «Tú has feito un mal a la mía chirmana!» «Tú has feito vaciva a la mía novia!» «¡Tú has enverenau a hierba!» «Tú has embruixau a o lugar de raso!» […]«Oh, no! no quiero morir! no quiero morir! -deciba-. Deixat-me, deixat-me, u tos amosegaré as mans con que m'emparatz!» Pero agún no heba prenunciau istas parolas, acapizando-se a os suyos engalzadors, alticamada, con as cerras sueltas, os uellos ixaringaus en sangre y a pudenca boca quasi zarrada y plena de esbruma, quan la sentié foter un chilo esfuriador, […] y, en zagueras, dando tres u quatro trangos dandalosos, como si estase capina, la viyemos cayer enta l'espaldadero.

Referencias[editar | editar código]

Vinclos externos[editar | editar código]


Mitolochía aragonesa
Dioses Anayet - Arafita - Balaitús - Bébrix - Culibiellas - Gabardiella - Gabardón - Hercules - Gratal - Pyrene
Chigants Aneto - Atland - Ciclope de l'aniello - Cherión - Chenios d'as nieus - Chigant de Muyed - Chuan Ralla - Fotronero - Guara - Home granizo de Turbón - Home granizo d'a Val d'Onsella - Rondán - Silván
Sers Basaharau - Bilbiana - Belaín - Diaple - Diaplerons - Moras - Encantaria - Ensundiero - Fada - Filadera - Folletz - Furtaperas - Hebe - Lainas - Mamés - Mariuena - Martinico - Minairons - Home choto - Home granizo - Pastor de lupos - Peinadora - Sacamantecas - Unyazas
Bruixas y bruixons Amaría d'Arbués - Catalina Aznar - Cristineta d'Alcoleya - Devinaire - Guirandana de Lai - Gracia Bielsa - Gracia de Valle - Glaudonetas - Martina Gen - Maut - Narbona d'Arcal - Pedro Arruebo - Pedro de Ysabal - Tía Casca - Tía Galga - Tía Picolla - Urganda
Animals Babieca - Buco - Caballo - Can - Craba - Dragón (Lo Dugo) - Gato - Lacuerco - Liebre - Lupo - Onso - Sirpient
Pantasmas Abad d'Alquezra - Almetas de Roldán - Berenguer de Bellvis - Celina - Cura de Benás - Doncella de Buera - Lumbretas - Guzpatas - Pantasma d'Asba - Pantasma d'a lungara - Pantasma de Sarinyena - Pantasma de Sant Chuan d'a Penya - Pantasmas de Sopeira - Pantasma d'a villa de Sos - Prior d'Urmella
Elementos

Almetas - Aniello machico - Brinzoner - Cardincha - Durendart - Esconchurador - Espantabruixas - O Libret - Religada

Leyendas

Aimants de Teruel - Árbol de Sobrarbe - Trachinero d'Espés - Barón Artal de Mur - Barón d'Escrich - Barón d'Espés - Campana de Uesca - Campana de Viliella - Cuento d'os cheposos - Fustero de Bara - Cazataire maldito - Ferrero de Serradui - Fortún de Vizcarra - Franceset de Castanesa - Fundación de Sant Chuan d'a Penya - Galino Galinás - Marieta - Palafox - Santo Gredal - Tío Apolinar - O toro y a estrela - La soterrada viva d'Alfambra - Viellas pervivients

Paraches

Basa de la Mora - Pozo de Sant Lazaro - Turbón