Uella marta
Marta (d'o chermanico < *marthor)[1] ye o nombre que se da en bels puestos d'os Pireneus a las uellas negras.
Tradicionalment, os pastors d'as zonas pirenencas d'o País Basco, Aragón y Catalunya deciban martas a las uellas d'os suyos rabanyos que naixeban con a suya piel totalment negra. Se creyeba que istos animals teneban un gran poder machico y yeran mas caros de vender en as ferias.
Se pensaba que teneban o poder de protecher a tot o rabanyo d'os rayos y as malautías [2], por ixo istas uellas no heban d'estar marcadas ni tampoco no les ne podeba escodar. D'atra man, cualsiquier danyo a o suyo pelache reduciría as suyas propiedaz machicas.
En l'Alto Aragón se teneba a creyencia de que as uellas negras yeran bruixas repentidas y reencarnadas en istos animals pa estar honestos y buenos.
Manimenos, en atras partis d'o País Basco y os Pirineus, por influyencia d'a Ilesia Catolica y a maldición d'a color negra (y luent de l'antiga creyencia local), as uellas negras han estau consideradas desenfortunadas. En ixe caso, istos animals pierden a suya valor y son deseparaus d'a resta d'o rabanyo pa no causar desgracia. Como en muitos atros casos, isto se puet tractar d'un intento d'o cristianismo pa mirar d'eliminar as antigas creyencias paganas.[3].
En as vals pirenencas d'Arièja, i hai una leyenda que recenta que una princesa d'Aragón nomás quereba minchar que miollo de uella negra. Ista princesa mandó matar a todas as martas d'ixos monts pa minchar-se-las. Dezaga d'iste mito puet estar o sacrificio ritual d'istos animals, que bella vegada fuoron ofreixius a os dioses y diosas.[3].
Atras denominacions
[editar | modificar o codigo]Os eixemplars de uellas melanicas (negras) se conoixen como martas[4] u maritas[4] en Sobrarbe, como pardas en Echo,[4] y como morinas en Cinco Villas.[1][4]
Bibliografía
[editar | modificar o codigo]- (es) Pequeño diccionario de mitología vasca y pirenaica. Olivier de Marliave. Editorial Alejandria, Barcelona 1995.
Referencias
[editar | modificar o codigo]- ↑ 1,0 1,1 (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
- ↑ (es) Bizén d'o Río Martínez, "Ritos, mitos y tradiciones de la ganadería altoaragonesa", pp. 183-188 en I Congreso de Aragón de Etnología y Antropología (PDF), Institución Fernando el Católico, 1981, ISBN 84-00-04802-4
- ↑ 3,0 3,1 (es) Pequeño diccionario de mitología vasca y pirenaica. Olivier de Marliave. Editorial Alejandria, Barcelona 1995.
- ↑ 4,0 4,1 4,2 4,3 (an) VIDALLER TRICAS, Rafel, Libro de As Matas y Os Animals; Dizionario aragonés d'espezies animals y bechetals; Ed. Val d'Onsera. Zaragoza 2004. ISBN 978-84-89862-35-7
Se veiga tamién
[editar | modificar o codigo]
| Control d'autoridaz |
|
|---|
Datos: Q12263140