Almarchal litoral

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un almarchal ye una zona humida, por un regular cercana a la mar, de gran riqueza en fauna y flora. Estas zonas humidas a sobén son estacions de paso en a migración d'as aus entre o norte d'Europa y Africa.

Ye un terreno baixo y paulenco, con aportes d'augua sotorrana, fluvial y de mareas.

Os almarchals han sufrito a presión urbanistica, en especial en o País Valenciano, con periglo que desapareixcan, destancando como pervivencias l'almarchal del Moro, l'almarchal de Pego-Oliva y l'almarchal de Peniscola.

Como peix tipico d'os almarchals tenemos o zamaruco.

Etimolochía[editar | modificar o codigo]

Huei a palabra almarchal s'aplica a zonas humidas d'a costa levantina, pero en o pasau s'emplegaba pa zonas humidas d'a Ribera d'Ebro. A palabra almarchal ye d'orichen arabe, vien d'a palabra march que significa prau estando un caso d'adaptación d'a letra chim como ch en aragonés. Antes s'emplegaba en a Ribera Navarra, y Riberas Alta, Baixa d'Ebro y Sistema Iberico con o significau de paúl u terreno paulenco, pero ha quedau fosilizau en a toponimia, de fueras d'a cuenca de Millars, a on que encara se fa servir a variant armachal^[1]. Bi ha bella mención medieval que proviene de Tudela, (1256, 1260, 1279: Almalchal, Almargale, Almarial), Alagón (1195) y Zaragoza (1158, 1191 y 1194):

lo campo qui es prope lo almagar (documentos d'o Pilar).

uendimus illos nostros campos quos abemus in termino de almarxhal (documentos d'o Pilar).

et illo almarial de illa villa cecidit inde a don Artal illam medietatem apud Cesauraugustam. Alagón 1195

En a toponimia a vegadas bi ha cambio de -l por -n, y d'astí formas como marján u marjanes.

Referencias[editar | modificar o codigo]

↑ (es) Manuel Alvar: Atlas lingüístico y etnográfico de Aragón, Navarra y Rioja. Tomo X. Institución Fernando el Católico. Departamento de Geografía Lingüística, Institución Fernando el Católico de la Excma. Diputación Provincial de Zaragoza, 1983. Mapas nº 1388 terreno pantanoso.

Bibliografía[editar | modificar o codigo]

(es) Juan A. Frago Gracia: Toponimia navarroaragonesa del Ebro (V) yermos y pastizales. Archivo de filología aragonesa XXXVIII. 1986.

Cuerpos d'augua continental

Corrient	Río · Regallo u Rigachuelo · Galocha · Torrent (Barranco · Garona · Rambla)
Aturada	Laco · Lacuna u Estanyo (albufera · ibón · salada) · Paúl · Almarchal · Basa

[1] (es) Manuel Alvar: Atlas lingüístico y etnográfico de Aragón, Navarra y Rioja. Tomo X. Institución Fernando el Católico. Departamento de Geografía Lingüística, Institución Fernando el Católico de la Excma. Diputación Provincial de Zaragoza, 1983. Mapas nº 1388 terreno pantanoso.

[1]