Tremarctos ornatus
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Tremarctos ornatus | |
|---|---|
 | |
| Denominacions populars | |
Onso andino
| |
| Clasificación cientifica | |
| Eukaryota | |
| Animalia | |
Filo:
|
Chordata |
| Mammalia | |
| Theria | |
| Carnivora | |
| Caniformia | |
| Ursidae | |
| Tremarctinae | |
| Tremarctos | |
| T. ornatus | |
| Descripción | |
Tremarctos ornatus
Cuvier, 1825 | |
| Distribución cheografica | |
 | |
L'onso andín/o (nombre cientifico: Tremarctos ornatus (Cuvier, 1825)) ye una especie de mamifero placentario carnivoro d'a familia d'os ursidos. A mas d'estar a sola especie viva d'o suyo chenero y d'a subfamilia Tremarctinae, ye a sola especie d'onso propia de Sudamerica.
Descripción
Ye un onso de color negra uniforme, sacando una taca amariella u color crema, de forma variable, sobre o morro y a frent. A dita taca puede prolargar-se por a gorga dica lo peito de l'animal.
De midas ye un onso mediano, con una largaria corporal d'entre 120 y 200 centimetros en os masclos, que pesan arredol de 150 kilogramos. As fembras son normalment un tercio mas chicas que os masclos y gosan pesar a metat que els.
A capeza ye relativament gran en comparanza con a d'atros onsos, y o morro ye mas curto y amplo. Esta caracteristica s'ha trobau tamién en atras especies extinctas de Tremarctins, y se piensa que ye una adaptación a una dieta firme carnivora. Manimenos, l'onso andino ye mayoritariament vechetariano.
Habitat
Os onsos andins se troban en o norte y l'occident de Sudamerica. Se'n puede trobar en Venezuela, Colombia, Ecuador, Perú, en l'ueste de Bolivia y en o norueste d'Archentina. De regular en montanya u en os altiplanos d'os Andes. Antes de que as poblacions se tornasen fragmentarias, a especie teneba reputación d'estar adaptable y se'n podeba trobar en bella cosa d'habitats y altitutz diferents adentro d'a suya zona de distribución, o que incluiba selvas pluvials, pasturas altas, selvas secas, matullars y disiertos. I ha una población d'onsos andins en a muga entre Perú y Ecuador que tiene y ocupa una diversidat d'habitats tan ampla como as que troban todas as poblacions d'onso pardo (Ursus arctos) d'o mundo chuntas.[1]
Os habitats por os cuals tiene predilección a especie son as selvas humedas u muit humedas, que en a suya aria de distribución son entre os 500 y os 1000 msnm u entre os 1000 y os 2700 metros msnm. Normalment, como mas humeda sía la selva mas diversidat d'especies vechetals que puedan sostener a estes onsos i habrá.
L'onso andino ye un onso prou arboricola. S'ha sinyalau que, a lo menos en parte, o suyo exito de supervivencia en habitats en os que i hai sers humans se debe a que ye capable de puyar a os árbols, mesmo os mas alteros. De regular ye un animal que fuye d'a presencia humana, a sobén enfaixonando-se en un árbol.[2]
Alimentación
L'onso andino se puya muito a os árbols, aon que consume fruita, lulos y plantas epifitas menors. S'ha documentau que pueden fer-se niedo en una forcanadura de ramas pa descansar-se u pa almagazenar alimentos. Ye entre as especies mas herbivoras d'os onsos, con una inchesta de carne que no puya d'o 5-7 %.[3]
O minchar mas común d'estes onsos incluye cactos, bromeliacias, follas de palmera y canyas como o bambú. Tamién minchan hierba, nueces y lulos con cascla que se troban en tierra u en os árbols. S'alimentan pues de productos vechetals que a mayoría d'animals no pueden ubrir u dicherir, por estar masa bastos u fibrosos, y gosa estar a sola especie en o suyo habitat que espleita ixas fuents d'alimento.
Entre a fracción de carne en a suya dieta, consume mas que mas uevos d'aus, radedors, conellos asilvestraus, insectos y larvas y carnuzos que se trobe. Como atros onsos, puede emprender-la con as arnas d'as abellas domesticas.
Imáchens
.jpg)
Referencias
- ↑ (en) Servheen, C., Herrero, S. and Peyton, B. (1999). Bears: Status Survey and Conservation Action Plan. IUCN/SSC Bear and Polar Bear Specialist Groups, IUCN, Gland, Switzerland and Cambridge, UK.
- ↑ (en) LaFee, Scott (2009-09-07). "Hanging on, bearly: South America's only bear species struggles to avoid extinction". SignOnSanDiego.Com. The San Diego Union-Tribune. Retrieved 2009-09-09.
- ↑ (en) Nowak, R.M. (1991). Walker’s Mammals of the World.'. The Johns Hopkins University Press, Baltimore and London, ISBN 0801857899.
Se veiga tamién
Vinclos externos
Se veigan as imáchens de Commons sobre Tremarctos ornatus.
Wikispecies tiene un articlo sobre Tremarctos ornatus.
