Campo (Uesca)

Esta fuella ye escrita en aragonés ribagorzano.

Campo
Municipio d'Aragón
Entidat  • País  • Provincia  • Comarca	Municipio Aragón  Uesca Ribagorza
Superficie	23,03 km²
Población  • Total	295 hab. (2005)
Altaria	691 m.
Distancia  • 105 km	enta Uesca
Codigo postal	22450
Parroquial  • Diocesi  •Arciprestato	Bp. de Balbastro-Monzón Ribagorza
Coordenatas	42°24’32’’N 0°23’45’’E
Campo Situación de Campo en Aragón

Campo ye un municipio aragonés de la provincia de Uesca, situau a la comarca de La Ribagorza. La suya población ye de 295 habitants (2005), en una superficie de 23,03 km² y una densidat de población de 12,81 hab/km².

Cheografía

Está situau a'l canto de l'Esera en la Ribagorza media, a 691 metros d'altaria sobre el ran de la mar, en una depresión u fueva que la erosión fa en els sallagons d'o cretacico y que se prolonga enta las vals de Llerp y Bardaixí, no guaire lluen d'el Turbón. En la fueva de Campo i queriban fer un pantano que a la fin no se va construir, pero la menaza de fer-lo va tenir conseqüencias negativas en la economía local. Campo se troba a una distancia de 105 km de la ciudat de Uesca, la capital de la suya provincia.

Personaches naixius de Campo

• Gaspar Torrente (1888-1970), pai de l'aragonesismo de izquierda a primers d'el sieglo XX, uno d'os dirichents de la Unión Aragonesista y dimpués fundador y president de Estado Aragonés, el primer partiu nacionalista aragonés.

• Bienvenido Mascaray Sin ye un intelectual local que ha escrito en aragonés el llibro Benas, Trallo y Fuellas, asinas como dos llibros sobre toponimos ribagorzanos y la interpretación personal de las etimolochías que ell fa a partir d'el vasco: El Misterio de la Ribagorza y De Ribagorza a Tartessos.

Parla

La variedat local de l'aragonés ribagorzano que se charra a Campo ye conoixida per los estudiosos como Campés, y fa parte, chunto con las parllas d'os llugars d'alredor, d'el mediorribagorzano. Ista variedat se feba servir prou hasta los anyos 80, pero va perdend-se poquet a poquet y cada vegada ye de mes dificl sentir per las carreras.

N'i hai bells caracters compartius con o catalán que no se troban a'l sud y que a lo millor arriban per las Valls de Llerp y Bardaixí dende l'aria de Torlarribera, a on n'i hai parlas de transición catalano-aragonesas ditas parllas de l'Isabana.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Partido Aragonés									6
Partido de los Socialistas de Aragón									1
Total									7

Alcaldes

Lista d'alcaldes

Lechislatura	Nombre	Partito politico
1979–1983
1983–1987
1987–1991
1991–1995
1995–1999
1999–2003	José Eusebio Echart Ballarín	Partido de los Socialistas de Aragón
2003–2007	José Eusebio Echart Ballarín	Partido Aragonés
2007–2011	José Eusebio Echart Ballarín	Partido Aragonés
2011–2015	José Eusebio Echart Ballarín	Partido Aragonés

Presonalidatz naixitas de Campo

• Categoría:Naixitos de Campo (Uesca)

Veyer tamé

• Lista de municipios de Uesca
• Campés

Vinclos externos

• Se veigan as imáchens de Commons sobre Campo (Uesca).

Lugars d'o municipio de Campo
Belveder | Campo