Aragonés campés

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Campés
Variedaz de l'aragonés
Situación d'o campés en o meyorribagorzano
Localización cheografica
Estau	{{{estau}}}
País	Aragón
Rechión	{{{rechión}}}
Parlau en	Ribagorza
Lugars principals	Campo
Estatus
Atras denominacions	{{{atras denominacions}}}
Charradors
Oficial en	{{{oficial}}}
Reconoixiu en	{{{reconoixiu}}}
Regulau por	{{{regulau}}}
Vitalidat	Alta
Literatura
Escritors principals
Rasgos dialectals	De transición ta o catalán
Clasificación lingüistica
Indoeuropea Romance Romance occidental Occitanorromanica u iberorromanica Aragonés Oriental Ribagorzano Meyorribagorzano Campés
ISO 639-1	{{{iso1}}}
ISO 639-2	{{{iso2}}}
ISO 639-3	{{{iso3}}}
SIL	{{{sil}}}

O campés ye a parla local aragonesa que se charra en Campo (Ribagorza).

Fonetica

Son muitos os casos de perda d'a -o final que no gosan trobar-se en aragonés cheneral:

• Embolic: embolico, embolique.
• Sort: suerte.
• Corp: cuerpo.
• Traball: treballo.
• Any: anyo.
• Rebós: reposte.
• Fet: feito, feto.
• Uells: uellos.
• cunills: conillos.
• Polls: pollos.

Bi ha bel caso de no diftongación d'a Ĕ curta latina, os tres primers los trobamos también en baixo-ribagorzano:

• Ben: bien.
• Tamé: tamién.
• Peus: piez
• Terra: tierra. Terra tamién se troba en benasqués.
• Pedra: piedra.
• Tempo: tiempo.

Bi ha bel caso de no diftongación d'a Ŏ curta latina:

• Sort: suerte.
• Corp: cuerpo.
• Forza: fuerza.

Se conservan mas casos de diftongación debant de Yod que en baixo-ribagorzano.

• OCULU > *ollo > uell

O grupo -it- gosa estar castellanizau de fueras de en fet.

• Mucho: muito.
• Noche: nueit.
• Pecho: peito.
• Ascuchar /ascuchá/: escuitar, ascuitar.

O diftongo -ie- de -iello ye castellanizau a -illo:

• Corrotilla.
• Costilla.
• Crespillo.

Morfolochía

Articlos definius: el, la, es, las

Se conserva a conchunción contimparatiba mes, como en benasqués y bella zona de Sobrarbe:

• MAGIS > mais > mes

Pronombres personals de 1º y 2º personas plurals: nusotros y vusotros.

Morfema personal de 1º persona plural en -m: cantam,

Encara que o present d'o verbo estar tiene diftongo: el ye, tu yes, o pasau imperfecto no en tiene: el eba en cuenta de el yera.

Lexico especial

En Campo, las palabras «paíno» y «maína» antes significaban agüelo y agüela, y no pas «padrino» y «madrina» como ye regular en atros parlars vecinos, como en Sobrarbe. Seguntes Bienvenido Mascaray, la substitución d'el significau antigo con las palabras «abuelo» y «abuela» ha feit que s'haiga de meter el posesivo tonico (con articlo) a la expresión «l'abuela mía», cuan antes no el teniba que llevar, pa que asinas no s'entivoque con cualsiquier agüela d'el llugar. Cuan se diba «paíno» y «maína» no caleba meter-les posesivo, perque toz entendeban que se referiba cada un a'l suyo. Millor que en veigam un eixemplo:

• Yo sempre va conocer a maína con panyuelo negro a la cabeza y saya llarga.

Conclusions

Ye una transición entre o benasqués y o baixo-ribagorzano, igual que a Tierra de Campo, Congosto de Ventamillo y Turbón fan de muga entre as dos Ribagorzas, a o norte una Ribagorza Alta de vals mas estreitas, monts altos, selva caducifolia y mas plevia, y a o sud una Ribagorza Baixa con a Val de l'Esera mas ampla y plana, monts mas chicos, y clima y vechetación mediterranios.

Referencias

Variedaz orientals de l'aragonés
Altorribagorzano (Benasqués) | Chistabín | Fovano | Meyorribagorzano (incluindo o campés) | Baixorribagorzano (incluindo o foncense, estadillano y grausino)