Venezuela

De Biquipedia
Ir ta: navego, busca
Articlo d'os 1000
República Bolivariana de Venezuela
Bandera Venezuela Escudo Venezuela
(En detalle) (En detalle)
Lema nacional:
Himno nacional: Gloria al Bravo Pueblo
Situación Venezuela
Capital
 • Población
 • Coordenatas
Caracas
5.329.355
10°30′ N 66°58′ O
Mayor ciudat Caracas
Idiomas oficials Español
Forma de gubierno
President
Vicepresident
Republica Federal
Nicolás Maduro
Jorge Arreaza
Independencia
Declarata
Reconoixita
d'Espanya
5 de chulio de 1811
30 de marzo de 1845
Superficie
 • Total
 • % augua
Mugas
Posición 33º
916.445 km²
0,3%
4.700 km
Población
 • Total
 • Densidat
 • Densidat
Posición 37º
28.384.132
30 ab./km²
30 hab/km²
PIB (PPA)
 • Total (2008)
 • PIB per capita
Posición 31º
US$ 379.765 millons
US$ 13.365
Moneda Bolívar (VEF)
Chentilicio
Zona horaria UTC-4:30
Dominio d'Internet .ve
Codigo telefonico +58
Prefixo radiofonico YVA-YYZ / 4MA-4MZ
Codigo ISO 862 / VEN / VE
Miembro de: ONU, OEA, Mercosur, CSN, OPEP, OMC, ALADI, SELA, G77

A Republica Bolivariana de Venezuela ye un país situato en o norte d'America d'o Sud. O territorio venezolán incluye, amás, diversas islas localizatas en a mar Caribe. Venezuela muga con Guyana a l'este, Brasil a lo sud, Colombia a l'ueste. As islas de Trinidad y Tobago, Grenada, Santa Lucía, Barbados, Curaçao, Bonaire, Aruba, Sant Vicent y as Granadinas y as Islas de Sotavento que se troban a mán d'a costa venezolana.

Cheografía fisica[editar | editar código]

Venezuela ye situata en o Hemisferio Norte, encara que o estremo meridional continental se troba muit amán d'a linia d'o equador terrestre. O suyo territorio continental ye integrato por una masa compacta que s'estendilla d'este ta ueste y que perteneixe a la placa sudamericana; o territorio insular comprende un conchunto d'archipielagos, islas y isletas d'a mar Caribe. Por a suya cheografía bi ha una gran diversidat de recursos naturals, prencipalment enercheticos y minerals, y tamién una gran diversidat d'especies y ecosistemas.

O país muga a lo norte con a mar Caribe u mar d'as Antillas con una longaria de costa de 2.813 km; tien mugas maritimas con as auguas territorials de Trinidad y Tobago, as Antillas Neerlandesas, Grenada, Puerto Rico y as Islas Virchens. Comparte 2.050 km de muga terrestre con Brasil a lo sud; 743 km a l'este con Guyana y 2.250 km a l'ueste con Colombia.

Relieu[editar | editar código]

O relieu venezolán abarta tres unidatz cheograficas, que son d'ueste ta este:

  • as cordeleras septentrionals andinas
  • as planas (llanos) de l'Orinoco
  • o sector occidental de l'altiplán de Guayana.
O Salto del Ángel, o salto d'augua más alto d'o mundo

Os Andes septentrionals se bifurcan en dos cadenas montañosas, que se creyoron mientres a Era terciaria, que se deseparan en o estremo norte d'a sierra oriental colombiana. A cadena occidental ye constituita por a sierra de Perijá en a muga con Colombia, que tien una altaria maxima de 3.750 m. A cadena oriental forma a sierra de Mérida, que tien una altaria maxima de 4.980 m en o Pico Bolívar, o punto mas alto d'o país. Istas dos cadenas rodian a depresión d'o Laco de Maracaibo, que con 13.280 km² ye o mas gran d'America d'o Sud. O laco ocupa una ampla depresión ubierta a lo golfo de Venezuela. O suyo subsuelo tien numerosas reservas d'hidrocarburos. Entre o Laco de Maracaibo, a sierra de Mérida y a mar Caribe se troban as sierras y as vals fundas (hondonadas) d'o sistema Lara-Falcón formato por tres aliniacions orograficas orientatas de sudueste ta norueste. Enta l'este, a rechión montanyosa venezolana s'estendilla y rodia una vegata mas a costa d'o Caribe, formando o sistema montanyoso d'o Caribe que tien una altaria maxima de 2.765 m en o Pico Naiguatá y que ye formato por a sierra d'o Caribe y a sierra d'o Interior, as dos orientatas d'este ta ueste, y en meyo d'ellas se troba la depresión d'o Laco de Valencia. A la fin, a l'este d'o sistema montanyoso d'o Caribe se troba o macizo de Cumaná que forma as peninsulas d'Araya y Paria entre os golfos de Caraico y Paria.

A rechión d'as planas de l'Orinoco ocupa la depresión central que s'estendilla entre as montanyas andinas a lo noreste y a val de l'Orinoco a l'este y a lo sud y que rodía a l'altiplán de Guayana. Ye integrata por una gran plana que fue cubierta por a mar en epocas historicas antigas, y que ha dato orichen a los chacimientos d'hidrocarburos. A l'este y a lo sud de l'Orinoco se troba l'altiplán de Guayana que, debito a la erosión, ha creyato un relieu secundario de chicotz serratos, que puyan a moniquet dica formar a muga con Brasil en a cadenas montanyosa de Tairapecó, Parima y Pacaraima; estando lo mont Roraima, con 2.810 o punto mas alto.

Delta de l'Orinoco, Parque Nacional Mariusa

Hidrografía[editar | editar código]

Fauna aquatica de Venezuela

Venezuela tien una gran cantidat de recursos hidricos. O 74,5% d'as auguas fluvials desembocan en l'ocián Atlantico, un 20,7% en a mar Caribe y o 4,5% s'unen a lo río Amazonas. Un chicot porcentache desembocan en a cuenca endorreica d'o Laco de Valencia. Asinas, tres quatrenas partis d'o país perteneixen a la cuenca de l'Orinoco, que desemboca en l'Atlantico a traviés d'un gran delta. Ye o tercer río mas cabaloso d'America d'o Sud. Os afluents mas importants de l'Orinoco son o Ventuari, o Caroní, o Cauri, l'Aro, o Guaviare, o Vichada, o Meta y l'Apure. Una parti d'as auguas de l'Orinoco rematan en l'Amazonas por meyo d'a canal natural de Casiquiare que comunica con o río Negro. D'atra man, os ríos mas importants d'a cuenca d'a mar Caribe desembocan en o Laco de Maracaibo: Cotatumbo, Escalante y Chamba, curtos y cabalosos.

Fauna[editar | editar código]

A fauna bi ye diversa y abundant, con presencia de mamifers caracteristicos d'a zona tropical. Venezuela ye un d'os países con mayor variedat d'especies d'aus. Os reptils i son tamién nombrosos, y se i troba una gran variedat de peixes. En 2004 i existiban 219 especies en periglo d'extinción, entre ellas o Thripophaga cherriei.

Organización politico-administrativa[editar | editar código]

Venezuela ye trestallata politicament y administrativa en 23 Estatos, 1 Districto Capital, 1 Dependencias Federales (72 islas) y 1 territorio reclamato (Guayana Esequiba).

Organización politico-administrativa
Venezuela politica copy.png
# Estato Capital Aria (km²) Población
1 Amazonas Puerto Ayacucho 180.145 km² 136.506
2 Anzoátegui Barcelona 43.300 km² 1.440.876
3 Apure San Fernando de Apure 76.500 km² 457.685
4 Aragua Maracay 7.014 km² 1.629.433
5 Barinas Barinas 35.200 km² 730.407
6 Bolívar Ciudat Bolívar 238.000 km² 1.490.612
7 Carabobo Valencia 4.650 km² 2.106.264
8 Cojedes San Carlos 14.800 km² 291.234
9 Delta Amacuro Tucupita 40.200 km² 149.427
10 Falcón Coro 24.800 km² 877.386
11 Guarico San Juan de Los Morros 64.986 km² 723.965
12 Lara Barquisimeto 19.800 km² 1.751.625
13 Merida Merida 11.300 km² 819.760
14 Miranda Los Teques 7.950 km² 2,789,073
15 Monagas Maturín 28 900 km² 828.363
16 Nueva Esparta La Asunción 1.150 km² 426.337
17 Portuguesa Guanare 15.200 km² 848.259
18 Sucre Cumaná 11.800 km² 895.978
19 Tachira San Cristóbal 11.100 km² 1.145.374
20 Trujillo Trujillo 7.400 km² 691.908
21 Vargas La Guaira 1.496 km² 329.447
22 Yaracuy San Felipe 7.100 km² 499.049
23 Zulia Maracaibo 63.100 km² 3.520.376
1 Districto Capital Caracas 433 km² 2.284.921
1 Dependencias Federals n/a 342 km² 2.245
- Guayana Esequiba¹ n/a 159.500 km² 102.000
- Venezuela Caracas 916.445 25.730.435

¹ Territorio reclamato por Venezuela (pertenexient actualment a Guyana).

Politica y gobierno[editar | editar código]

Venezuela ye un Estato democratico y social de Dreito y de Chusticia con forma d'Estato Federal. En 1999 con a nueva Constitución s'establioron cinco poders publicos nacionals; o Poder executivo, lechislativo, chudicial, electoral y ciudadán. o Poder executivo domina la estructura de gubierno nacional, o president ye esleito ta un periodo de 6 anyadas, exerce a la vez como chefe d'o Estato y d'o Gubierno. O Parlamento de Venezuela, dito Asambleya Nacional, ye composato por 167 deputatos. En o Poder chudicial existe o Tribunal Supremo de Justicia o maximo trebunal d'o país. O Poder ciudadán tien un Consejo Moral Republicano que agrupa la Defensoria d'o Pueblo, o Menisterio Publico y a Contraloría Cheneral d'a Republica. O Poder Electoral ye conformato por o Consejo Nacional Electoral.

Partitos politicos[editar | editar código]


Esporte[editar | editar código]

Os esportes más populars de Venezuela están o fútbol y o béisbol, atros esportes importants son o baloncesto, voleivol, tenis, boxeo y rugby.

Se veiga tamién[editar | editar código]

Vinclos externos[editar | editar código]


Estatos d'America d'o Sud
Archentina | Bolivia | Brasil | Chile | Colombia | Ecuador | Guyana | Paraguai | Perú | Surinam | Uruguai | Venezuela
Dependencias: Aruba | Cheorchias d'o Sud | Curaçao | Guayana Francesa | Islas Malvinas | Sandwich d'o Sud | Sint Maarten