Bichuesca

Bichuesca
Municipio d'Aragón
Castiello y ilesia de Bichuesca.
Entidat  • País  • Provincia  • Comarca	Municipio Aragón  Zaragoza Comunidat de Calatayú
Superficie	57,10 km²
Población  • Total	113 hab. (2010)
Altaria	920 m.
Distancia  • 139 km	enta Zaragoza
Codigo postal	50316
Ríos	Manubles
Coordenatas	41°32’24’’N 1°55’12’’U
Bichuesca Situación de Bichuesca en Aragón

Bichuesca (Bijuesca en castellán) ye un municipio d'a provincia de Zaragoza situato en a comarca d'a Comunidat de Calatayú.

A suya superficie ye de 57,10 km² y a suya población de 114 habitants (2009, en l'anyo 1920 bi heba 896 habitants). A suya densidat de población ye de 2,00 hab/km².

Cheografía

A localidat de Bichuesca se troba situata a una distancia de 50 km d'a ciudat de Calatayú, a capital d'a suya comarca, 56 de Soria y 139 de Zaragoza, a capital d'Aragón.

Trescruzato por o río Manubles, afluent d'o Xalón, se troba a una altaria de 920 metros dencima d'o ran d'a mar.

Mugas

O suyo termin muga con Berdello, con un cantón d'o termin de Torrelapalla, con Malanquiella, con Clarés de Ribota, con Turrillo y con Deza.

Toponimia

Seguntes Joaquín Caridad Arias ye un toponimo d'orichen celta que sería relacionato con bells toponimos gallegos actuals (Vixoi, Vixou, Vixán, Vixoteira), bells toponimos celtas antigos (Vigiacum, Vigobri y talment Bigorra), y bells antroponimos antigos (Vigius, Vigio y una trobata en as inscripcions de Luixón, Biho-tus). A terminación -uesca vendría d'a terminación -essica.

Esta localidat ye citata en a Bula de Lucio III de 1183, en a que aprobaba a patrimonialidat d'as ilesias d'a Comunidat de Calatayú dimpués que Alifonso I d'Aragón lis dase lo fuero:

Ec. de Verdello c.p.s. , Ec. de Villosca cum pertinentiis suis, Ec. de Turrillo c.p.s., ..

Si s'escribiba con -ll- se puet explicar como una hipercorrección feita por o escriba, en base a que en bellas variedatz d'aragonés como o tensino a -LL- latina evolucionó ta -ch-, feito que ye en retacule. Manimenos en a Edat Meya bi ha chent con apellito de Villuesca en os textos provinients de Calatayú.

En "Rationes decimarum Hispaniae (1279-80): Aragón y Navarra" s'escribe Viivesca.

En atros textos meyevals como as Cronicas d'os Chudeces de Teruel la claman Vijuesca. En o Fogache de 1495 s'escribe Vixuesca, castellanizato ya con x como atros lugars de l'este de Zaragoza y Teruel (Castexón, Val de Conexos, Foz de la Viexa, etz..., que en aragonés son con -ll-). En 1610 l'astronomo Chuan Batista Labaña escribe Biguesca. En o sieglo XVII a x castellana esdeviene a j velar actual.

Demografía

Evolución demografica

1910 1920 1930 1940 1950 1960 1970 1981 1991 - 128 - - - - - - 138

1992 1994 1996 1997 1998 1999 2000 2001 2002 - - 148 - - - - 133 -

2003 2004 2005 2006 2007 2008 2009 2010 - - 109 - - - - 114 - -

1717-1981: población de feito; 1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Partido de los Socialistas de Aragón									5
Total									5

Alcaldes

Lista d'alcaldes

Lechislatura	Nombre	Partito politico
1979–1983
1983–1987
1987–1991
1991–1995
1995–1999
1999–2003
2003–2007
2007–2011
2011–2015	Ángel Millán Marín Rubio	Partido de los Socialistas de Aragón

Molimentos y puestos intresants

O suyo castiello estió una fortaleza mui important estratechicament por a suya situación mugant con Castiella. En 1357 Pero IV lo Cerimonioso mandó fortificar o castiello y a ilesia anque o rei de Castiella Pero I lo Cruel lo conquistó en a invasión de 1358. Dimpués se tornó a conquistar por parti d'Aragón y se perdió atra vegada en a enrestida de 1362. Dezaga d'a remontadura zaguera Pero IV lo mandó escatumbar, encara que nomás se fació en parti.

Tamién son intresants o "Pozo de los Chorros", cascant d'augua d'o río Manubles poco antis de dentrar en Bichuesca, a Fuent de "los canyos" y o puent román.

Fiestas

As fiestas patronals se celebran o día 15 d'agosto, festividat d'a Virchen d'o Castiello, y o 16 d'agosto día de Sant Roque.