Aragonés estadillano

Estadillano
Variedat de l'aragonés
Localización cheografica
Territorios	Semontano
Lugar(s) principal(s)	Estadilla
Literatura
Escritors principals	Cleto Torrodellas Español

O estadillano ye a parla local aragonesa d'Estadilla y d'Estada.

Fonetica

O grupo -it- derivato d'os latins -CT-, -ULT- gosa trobar-se castellanizato:

• dicho, drecho, escuchá, mucho, pero encara se conserva fei, (variedat de "feito").

Bi ha casos d'evolución d'os grupos latins -TY, -CE, -CI, -DE en posición final ta -u como en catalán y caracter que enantes yera més estendillato en aragonés y que poderba estar chenuino:

• peu (que tamién se decumenta en zonas d'o Sobrarbe y Campo), nou (por o menos en a obra de Bernabé Romeo), prou.

En a obra de Bernabé Romeo bi ha tres casos de conservación d'oclusiva xorda intervocalica:

• chemeco y chipón. Tamién i podemos leyer Llacuna pero ye como toponimo Baronesa de Llacuna, vizcondesa de Illa

Morfolochia

• Existen formas verbals irregulars que no tienen diftongo -ue- on sería lochico veyer-lo por estar "verbos irregulars por diftongación" en aragonés cheneral:
  • almorzes, sonen, m'acordo
• Veyemos formas peculiars en os presents de subchuntivo de verbos irregulars:
  • esteigan, feiga, heiga, veiga
• Con a cerrata en y talment por analochía con seiga. O caso de "estigan" tiene relación con formas verbals "velarizatas" comuns en catalán.

Curiosidatz

Ye uno d'os pocos lugars de l'Alto Aragón an podemos veyer un proceso de castellanización tan bien documentato, porque ha tenito literatura costumbrista feita por autors locals. Asinas tenemos 3 periodos temporals pa comparar:

I) Textos de Bernabé Romeo, (1861-1888)

II) Poemas de Cleto Torrodellas (Primer tercio d'o S.XX)

III) Parla d'os anyos 80 y actual

I	II	III
atra	otra	otra
muito	mucho	mucho
fillo	fillo	hijo
fuent /fuen/	fuent /fuen/	fuente
eba	eba	era
els	els	ellos
puyá	puya	subí, (puya quasi no se diz)
mai	mai	nunca, (mai quasi no se usa)
fllos	fllos	flores, (fllos cuasi no se usa
llugá	llugá	pueblo, llugá se diz menos
chen	chen	gente, chent se diz menos
ayere	ayere o ayer	ayer
el o lo, (formas de implemento)	el o lo	el

Manimenos tamién veyemos o retacule de caracters más catalans:

 

I	II	III
forá	forá	forau
ficá	meté	meté
la-hi	la-hi	le'n, (la-hi s'emplega menos)

Bibliografía

• Arnal Purroy, Mª Luisa y Naval López, Mª Ángeles; LENGUA Y LITERATURA DE UNOS POEMAS EN RIBAGORZANO (1861-1888). Archivo de Filología Aragonesa XLII-XLIII. 1989.