Chuseu

Chuseu
Localidat d'Aragón
Entidat  • País  • Provincia  • Comarca  • Municipio	Lugar Aragón  Uesca Ribagorza Graus
Población  • Total	79 hab.
Altaria	778 m.
Distancia  • 97 km	enta Uesca
Codigo postal	22430
Parroquial  • Diocesi  •Arciprestato	Balbastro-Monzón Ribagorza

Chuseu (Juseu en grafía SLA, Jusseu en catalán, Juseu en castellán) ye un lugar a 13 km de Graus y pertenexient a este municipio, situato en a comarca d'a Ribagorza. En 1991 teneba 79 habitants.

Cheografía

Se i vei bien a Val de Sarrón.

Toponimia

Seguntes Coromines o toponimo vien de IOVIS AEDES u templo de Chupiter:

• IOVIS AEDES > Jov seu > Chuseu.

En as primeras mencions documentals en 987 escribian n (jonsed, jonsed) en cuenta de u, se crei que como error de copista, pero que puet estar pa amagar o recuerdo pagán y fer-lo más pareixito a puesto con chuncos. En un texto d'o cartulario de Roda de 1011-1017 se vei claramén Joveset.

Molimentos

• Ilesia parroquial de Sant Chulián, sieglo XVIII.
• Repuis d'un castiello-fortaleza.
• Ermita de Sant Salvador (uno d'os epitetos de Chupiter yera soter salvador).

Parla

Ye en una zonade de transición estricta u microcheografica entre l'aragonés y catalán en lurs modalidatz ribagorzanas. Seguntes o mapa feito por Artur Quintana a linia Chuseu-Torres-Alins desepara a l'este parlas catalanas de transición enta l'aragonés y a l'ueste parlas aragonesas de transición enta o catalán.

En Chuseu y Aler o participio d'o verbo ser ye en -ito, sito, relacionato con set d'o catalán nordoccidental de bells lugars d'Aragón u que mugan con Aragón, y sit d'o maellán. Bi ha bell caso de conservación d'oclusiva xorda intervocalica como llaco. En Chuseu y Torres bi ha ciertas parolas no diftongadas como espòna (pronunciata con o ubierta).

Atra cosa intresant d'a parla de transición de Chuseu y d'atros lugars d'a Val del Sarrón, como Aler y Torres, ye que a terminación -rn d'o catalán se prenuncia -rt (fort, hivèrt, infèrt en cuenta de forn, hivern y infern).

Fiestas

• Santo Cristo, 15 d'agosto.