Aragonés baixorribagorzano

Baixorribagorzano
Variedat de l'aragonés
Localización cheografica
Territorios	Baixa Ribagorza
Lugar(s) principal(s)	Aguilar, Abenozas, Santa Llestra, Besians, Centenera, Perarrúa, Ixep, Torrobato, Torre d'Esera, Graus, Capella, La Puebla de Castro, Olbena, Estada, Estadilla y Fonz
Sociolochía
Vitalidat	Alta
Literatura
Escritors principals	Toni Collada, Ana Tena Puy
Rasgos dialectals	De transición ta o catalán

O baixorribagorzano ye a parla comarcal aragonesa que se charra en lugars d'a Baixa Ribagorza entre Aguilar y Fonz.

Dende norte enta sud: Aguilar, Abenozas, Santa Llestra, Besians, Centenera, Perarrúa, Ixep, Torrobato, Torre d'Esera, Graus, Capella, La Puebla de Castro, Olbena, Estada, Estadilla y Fonz.

En a baixa Val d'Isabana y más a o sud, en a marguin cucha de l'Esera entra en contacto con o catalán ribagorzano. Seguntes Artur Quintana, a linia de lugars de dificil clasificación Torres-Chuseu-Alins desepara a l'uest os lugars de El Soler, Torlabat, Capella, La Poblla del Mont, Castarllenas, Pueyo de Marguillén y Aguilaníu, clasificables como aragonesoparlants, d'os lugars de Pociello, Llaguarres, Aler, Calasanz, Zanui, y Sant Esteban del Mall, clasificables como catalanoparlants.

Fonetica

• A vocal -o se conserva por un regular, a perduga no ye freqüent:
  • fierro, mano, grausino, camino
• A diftongación debant de Yod quasi ha desapareixito, quedando pocos diftongos en -ue- debant de palatals:
  • ojo en cuenta de uello
  • noche en cuenta de nueit
• Trobamos bells casos de no diftongacion d'a Ĕ curta latina:
  • el e en cuenta de el ye
  • tu es en cuenta de tu yes
  • peu en cuenta de piet (puet estar un catalanismo u bella cosa propia de l'aragonés oriental)
  • ben en cuenta de bien
  • tamé en cuenta de tamién
• O grupo aragonés -it- derivato d'os latinos -CT-, -ULT- ye quasi castellanizato de tot.
  • fecho, leche, ocho, noches, mucho, cuchilla, escuchá.
• Pero puede conservar-se en palabras que no s'emplegan tanto: dreto, (Graus), o en bells lugars, (feito > fei en Estadilla, y testimoniato como poco emplegato en Graus).
• O diftongo -iello en o diminutivo s'ha castellanizato enta -illo:
  • ixartillo, crespillo os toponimos Panillo y Estadilla.
• Predomina amplament a sonorización d'as xordas intervocalicas, pero bi ha uns poquetz casos de conservación.
  • navata ye prou cheneral.
  • crepa, batallá, batall, mallata, trucadó se troban en grausín.
  • chemeco y chipón en estadillán.
  • llaco en Chuseu y Torres.
  • ripa (como locución adverbial de cantidat)
  • ripazo

Tiene menos caracters comuns con o catalán que a parla d'a Val de Benás (benasqués), pero tamién tiene menos caracters aragoneses. Graus, un lugar prou gran, ha tenito influencia en a castellanización d'a Baixa Ribagorza y mesmo en o catalán d'a Val de l'Isabana. A parla de Fonz ye menos castellanizata que a parla grausina encara que ye más a o sud.