Benedet XIII d'Avinyón
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Benedet XIII | |
---|---|
Papa d'Avinyón | |
![]() | |
28 de setiembre de 1394 - 1417 Antipapa dende 1423 | |
Predecesor | Climent VII |
Succesor | Climent VIII Benedet XIV |
Nombre real | Pero Martínez de Luna |
Naixencia | 1328![]() |
Muerte | 1423![]() |
![]() |
Benedet XIII, papa d'Avinyón, mas conoixito con o nombre de Papa Luna, naixió como Pero Martínez de Luna, d'Illueca, Aragón en 1328 y morió en Peniscola, Valencia, en 1423.
Refirmó a Roberto de Chinevra y fue esleito por os cardenals franceses a la muerte de l'antipapa Climent VII, o 28 de setiembre de 1394.
A la muerte d'o papa Urbán VI, en 1389, os cardenals italianos eslioron a Bonifacio IX; por tanto, a esleción de Benedet continó o cisma d'a Ilesia Catolica.
A mayor parti d'a Ilesia no reconoixió a Benedet. A Corona d'Aragón estió a que mas fuertement refirma a Benedet, en particular animatos por Sant Vicent Ferrer, que tien o reconoiximiento d'o reino d'Escocia, o reino de Castiella y o reino de Navarra. En 1397, a ilesia francesa, que l'heba refirmato, refusa decantar-se por dengún d'os dos. De feito, en 1398 Benedet estió feito preso en o suyo palacio d'Avinyón. O Concilio de Constanza desemboca en que Benedet XIII s'eslampa ta Peniscola, a on se fació fuerte mientres muitos anyos en o castiello d'a villa.
Benedet, a la fin, abdica en 1417, encara que siempre refusa a esleción d'o papa Martín V. Manimenos, Benedet mantenió o reconoiximiento d'o reino d'Escocia, o reino de Castiella, o reino de Navarra y a Corona d'Aragón, dica a suya muerte.
A la fin, bels cardenals creyatos per él li miroron un succesor en a persona de Climent VIII de Peniscola encara que uns atros cardenals nomenoron sucesor a Benedet XIV.
Tenió un papel muit important mientres o interregno de 1410-1412 en a Corona d'Aragón refirmando a Ferrando de Trastamara. Estió Benedet XIII qui proposó fer un compromís, que os parlamentos convocoron en Casp en 1412.
En o castiello de Peniscola existe un museu adedicato a la suya historia y a los anyos que pasó en o castiello d'ista villa.
Tanta estió a suya tozoludez que bi ha un dito castellano que diz "seguir en sus trece", en referencia a o suyo nombre Benedet XIII.
Se veiga tamién[editar | modificar o codigo]
![]() |
Predecesor: | Papa d'a linia d'Avinyón | Succesor: | ![]() |
---|---|---|---|---|
Climent VII | 1394-1423 | Benedet XIV Climent VIII |