Sufixo -ura

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O sufixo -ura ye un se fa servir en a nominalización pa decir conceptos abstractos que expresan os efectos de l'acción d'un verbo.

Se puet presentar con una -t- u una -d- relacionata con o participio d'o verbo, segunt siga un aria conservadera d'a xorda intervocalica latina (aragonés central y casos de conservación fuera de l'aragonés central) u no conservadera (aragonés mes cheneral). A forma sin -t- ni -d- se fa dreitament sobre o tema de present.

A vegadas se troba en cultismos relacionaus con o verbo en latín, (como o caso de lectura, que no deriva d'o verbo leyer en aragonés y o caso d'escultura).

En ocasions una parola puet tener o sufixo "-ura" en cuenta d'o sufixo culto "-dat" ("fondura"), como cabría esperar por comparanza con luengas vicinas. O sufixo "-ura" tamién puet competir con o sufixo "-or" ("valura").

Derivaus d'un sustantivo, adchectivo u parola latina

Son eixemplos sin -t- u -d-:

• asprura.
• calentura.
• clarura / cllarura, encara que en aragonés tamién se diz claror, y ye documentau en aragonés medieval claredat.
• chentura.
• fondura.
• mesura.
• mestura, derivau de MIXTURA.
• ranciura.
• rasura.
• pastura.
• royura.
• tintura.
• valura.

Derivaus d'un verbo en aragonés

Se troban eixemplos con -t- u -d- (-tura u -dura). As formas con a xorda intervocalica /t/ se troban con mayor frecuencia en l'aragonés central, as formas con /d/ son as mes chenerals en as parlas altoaragonesas, en os textos medievals y en os restos d'aragonés en o castellano d'Aragón.

• Aguadura / aiguadura .
• Armadura .
• Banyadura .
• Besadura .
• Cascadura .
• Cabalgadura .
• Cayedura.
• Contornadura.
• Cremadura .
• Encarnadura.
• Encetadura .
• Encontornadura .
• Extremadura (Extremadura aragonesa, Extremadura de Cinco Villas, ecetra).
• Emprenyatura.
• Fendedura.
• Ferradura.
• Floridura
• Muidura, coexistindo en aragonés con muyida.
• Mulladura.
• Naixetura.
• Obredura .
• Paridura .
• Pegagura .
• Pesadura .
• Ralladura.
• Regadura .
• Tancadura .
• Tocadura .
• Trencadura .
• Unfladura .
• Vestidura.

En benasqués os celos d'os animals se dicen con o sufixo -dura: toridura, boquidura, gatiduras, verridura.

En a toponimia d'as vals a on se charra l'aragonés central se troba a terminación -tuara (Polituara) que no se relaciona etimolochicament con este sufixo y se remonta a lo sufixo latino -TORIU (l'orichen d'o sufixo patrimonial -dero). A palabra emprenyatuera / emprenyatuara s'interpreta tamién a partir d'esta terminación latina (IMPREGNATORIA).

Derivaus d'un verbo en latín u una fase indoeuropea anterior

A part de derivaus de verbos latinos que ya no existiban con o mesmo significau en a scripta medieval aragonesa, bi ha uns cuantos eixemplos de cultismos con grupo latino -CT- y semicultismos u patrimonials con o suyo derivau romanz -it-:

• Abreviadura.
• Cotura
• Endreitura.
• Estructura.
• Factura.
• Feitura ("acción", "feito", "uebra")
• Lectura.
• Levadura, d'o verbo latino LEVARE, transmeso en aragonés como levantar/llevantar/devantar.

Referencias

• Datos: Q13050245