Ir al contenido

Star Trek Into Darkness

De Biquipedia
Star Trek Into Darkness
Títol Star Trek Into Darkness
Ficha tecnica
Dirección J. J. Abrams
Producción J. J. Abrams
Bryan Burk
Damon Lindelof
Alex Kurtzman
Roberto Orci
Guión Roberto Orci
Alex Kurtzman
Damon Lindelof
Musica Michael Giacchino
Fotografía Dan Mindel
Montache Mary Jo Markey
Maryann Brandon
Actors John Cho
Benedict Cumberbatch
Alice Eve
Bruce Greenwood
Simon Pegg
Chris Pine
Zachary Quinto
Zoe Saldaña
Karl Urban
Peter Weller
Anton Yelchin
Datos y cifras
País(es) Estaus Unius
Anyo 2013
Debantadera 2 de mayo de 2013 Londres (Reino Uniu)[1]
14 de mayo de 2013 Los Angeles (California, Estaus Unius)[1]
Chenero(s) Cine de ciencia-ficción
Durada 132 min.
Idioma(s) Anglés
Idioma klingon
Companyías
Productora(s) Bad Robot Productions
Skydance Productions
K/O Paper Products
Distribución Paramount Pictures
Presupuesto 185–190 millons de dólars
Informacions en bases de datos especializadas:

Star Trek Into Darkness (títol orichinal en anglés, en aragonés Star Trek enta la escuridat, enguerada en Aragón con o títol en castellano de Star Trek: en la oscuridad, en aragonés Star Trek: en a escuridat) ye una cinta de cine estausunidense de cine de ciencia-ficción de l'anyo 2013, dirichida por J. J. Abrams y producida por J. J. Abrams, Bryan Burk,Damon Lindelof,Alex Kurtzman y Roberto Orci ta las productoras Bad Robot Productions, Skydance Productions y K/O Paper Products, con guión cinematografico de Roberto Orci, Alex Kurtzman y Damon Lindelof, y protagonizada por os actors John Cho, Benedict Cumberbatch, Alice Eve, Bruce Greenwood, Simon Pegg, Chris Pine, Zachary Quinto, Zoe Saldaña, Karl Urban, Peter Weller y Anton Yelchin.

Star Trek Into Darkness ye a docena entrega d'a franquicia de Star Trek y a secuela d'a cinta de 2009 Star Trek, como a segunda d'una serie de cintas reiniciada. A cinta presenta a Chris Pine reprenendo o suyo papel d'o capitán James T. Kirk, con Zachary Quinto, Simon Pegg, Karl Urban, Zoe Saldaña, John Cho, Anton Yelchin, Bruce Greenwood y Leonard Nimoy reprenendo os suyos papels d'a cinta anterior. Benedict Cumberbatch, Alice Eve y Peter Weller tamién son acreditaus en l'elenco prencipal d'a cinta. Estió a zaguera vegada que Nimoy interpretó a lo personache de Spock y a suya zaguera cinta en cheneral antis d'a suya muerte en 2015. Ambientada en o sieglo XXIII, Kirk y a tripulación de l'USS Enterprise son ninviaus a Kronos, lo mundo natal d'os klingons, en busca d'un antigo miembro d'a Flota Estelar convertiu en terrorista conoixiu como John Harrison.

Dimpués de l'enguero de Star Trek, Abrams, Burk, Lindelof, Kurtzman y Orci alcordoron producir a suya secuela. A filmación prencipió en chinero de 2012. Os efectos visuals de Into Darkness estioron creyaus prencipalment por Industrial Light & Magic. A cinta se convertió a 3D mientres a suya etapa de postproducción. Star Trek Into Darkness s'engueró en Event Cinemas en Sydney, Australia, o 23 d'abril de 2013 y estió ebguerada o 9 de mayo en Nueva Zelanda, Reino Uniu, Europa y Perú, con atros países posteriorment.

A cinta s'engueró o 17 de mayo en os Estaus Unius y Canadá, y s'engueró en os cines IMAX un día antis. Into Darkness estió un exito financiero y recibió criticas positivas d'os criticos. As suyas ganancias brutas de mas de 467 millons de dólars en tot o mundo l'han convertiu en a dentrada mas taquillera d'a franquicia de Star Trek. En a 86ena edición d' os Premios Oscar de l'Academia, a cinta estió nominada a los Millors Efectos Visuals. Le siguió Star Trek Beyond en 2016.

Elenco

[editar | modificar o codigo]

Argumento

[editar | modificar o codigo]

En l'anyo 2259, o capitán James T. Kirk ye retirau d'o mando d'a nau espacial USS Enterprise por violar a Directiva Prencipal dimpués d'exposar a nau a los habitants primitivos d'a planeta Nibiru pa salvar-los a éls y a Spock d'una erupción volcanica. L'almirant Christopher Pike ye reinstalau como oficial a lo mando de l'Enterprise con Kirk degradau a primer oficial. Spock ye tresladau a unatra nau. Poco dimpués, l'oficial d'a Flota Estelar Thomas Harewood, ninviau por o comandant John Harrison, bombardeya una instalación d'a Sección 31 en Londres. Mientres una reunión d'emerchencia sobre a situación, Harrison emplega una nau pa emboscar y matar a Pike y atros oficials superiors, antis d'estar teletransportau enta Kronos, o mundo natal d'os hostils klingon.

L'almirant Alexander Marcus reintegra a Kirk y Spock a l'Enterprise con órdens de matar a Harrison usando un nuevo torpedo furtivo de luengo alcanz. L'incheniero chefe Montgomery Scott s'oposa a que se permitan a bordo torpedos no prebaus sin conoixer as suyas especificacions; cuan ye anulau, dimite. Kirk asigna a Pavel Chekov pa reemplazar a Scotty. En Kronos, Kirk endreza un equipo con Spock y Uhura, an son emboscaus por patrullas klingon. Harrison amaneixe y mata a los klingon. Harrison se rinde cuan s'entera d'o numero exacto de torpedos a bordo de l'Enterprise.

O Dr. Leonard McCoy y a filla de Marcus, a Dra. Carol Marcus, ubren un torpedo a instancias d'Harrison, revelando que os torpedos contienen humans conchelaus criochenicament. Harrison ye levau a la garchola de l'Enterprise, a on revela a suya verdadera identidat como Khan Noonien Singh, un sobrehumán disenyau cheneticament, dispertau por l'almirant Marcus de sieglos de suenio y obligau a desembolicar armas abanzadas. Khan revela que Marcus sabotió o motor warp de l'Enterprise, con a intención de que os klingons destruisen a nau dimpués de que disparase contra Kronos, lo que provocaría a guerra con l'Imperio Klingon. Khan tamién le da a Kirk un conchunto de coordenadas, que Kirk le pide a Scott que investigue. Scott descubre que as coordenadas conducen a una instalación amagada d'a Flota Estelar.

L'Enterprise ye interceptau por una nau de guerra d'a Flota Estelar muito mas gran, l'USS Vengeance, comandada por l'almirant Marcus. Marcus exiche que Kirk entregue a Khan, pero l'Enterprise fuye a la Tierra pa exposar-lo. Dimpués que lo Vengeance desactiva l'Enterprise amán d'a Luna, Carol revela a suya presencia a bordo de l'Enterprise pa aturar l'ataque. Marcus teletransporta por a fuerza a Carol a Vengeance antis d'ordenar a destrucción de l'Enterprise. Vengeance pierde poder dimpués d'estar sabotiau por Scott, qui s'infiltró en a nau. Con os teletransportadors desactivaus, Kirk y Khan, con a conoixencia d'iste zaguer sobre o disenyo d'a nau de guerra, blincan per l'espacio enta la Vengeance. Entremistanto, Spock contacta a lo suyo yo futuro en New Vulcan, qui le conta d'a suya propio trobada con Khan y l'advierte que no se puede confiar en él. Dimpués d'ubrir-se paso dica o puent, Khan domina a Kirk, Scott y Carol, mata a Marcus y prene o control d'a Vengeance.

Khan exiche que Spock torne a la suya tripulación conchelada a cambeo d'os oficials de l'Enterprise. Spock obedeixe, pero él y McCoy retiran subrepticiament a la tripulación conchelada de Khan d'os torpedos. Spock esclata as ochivas, aturando a nau. Con todas dos naus estelars atrapadas en a gravedat d'a Tierra, cayen en picau enta la superficie. Kirk dentra en a camara d'o reactor radiactivo de l'Enterprise pa realiniar o nuclio warp, sacrificando-se pa salvar a nau.

Khan estampa la Vengeance en o mesmo centro de San Francisco en un intento de destruir a seu d'a Flota Estelar, a la vegada que McCoy descubre que la sangre de Khan tien propiedaz rechenerativas que pueden salvar a Kirk. Spock encorre a Khan por a ciudat y toz dos s'embrecan en un combate cuerpo a cuerpo. Uhura dispara un rayo paralizant y esturdeix a Khan. Spock se prepara pa matar a Khan, pero Uhura l'atura y l'explica que ye a suya unica oportunidat de salvar a Kirk. A sangre de Khan revive a Kirk y Khan ye sellau en a suya capsula criochenica y s'almagazena con os suyos compatriotas. Un anyo dimpués, Kirk charra en a ceremonia de re-devantadera de l'Enterprise. A tripulación de l'Enterprise s'embarca en una misión exploratoria de cinco anyadas de durada.

Producción

[editar | modificar o codigo]

De chunio de 2008, s'informó que Paramount Pictures yera intresada en achustar a los productors de Star Trek de 2009, J. J. Abrams, Bryan Burk, Damon Lindelof, Alex Kurtzman y Roberto Orci pa una secuela. De marzo de 2009, s'informó que istos cinco productors heban alcordau producir a cinta, con un guión nuevament escrito por Orci y Kurtzman (con l'adición de Lindelof). Se dició que un guión preliminar estarba rematau en Nadal de 2009 pa o suyo enguero en 2011. Kurtzman y Orci prencipioron a escribir o guión en chunio de 2009, orichinalment con l'intención de dividir a cinta en dos partis. Leonard Nimoy, o Spock orichinal que interpreta una versión anterior d'o personache en a cinta de 2009, dició que no amaneixería en a cinta. Seguntes os informes, Abrams yera considerando a William Shatner pa la secuela.

Pa 2010, se fixó una calendata d'nguero d'o 29 de chunio de 2012, y Lindelof anunció que i heba prencipiau a treballar en o guión con Kurtzman y Orci. A preproducción se fixó pa chinero de 2011, encara que Burk dició que a filmación real prebablement prencipiaría mientres a primavera u o verano. L'actor Zachary Quinto dició mas tardi que istos informes yeran falsos. Lindelof comparó a secuela con The Dark Knight.

Abrams, Kurtzman y Orci dicioron que seleccionar un villano yera dificil; seguntes Abrams, "l'universo que creyó Roddenberry ye tan amplo que ye dificil decir que una coseta en particular s'acobalte". Tamién discutioron a posibilidat de Khan Noonien Singh y os klingons. Kurtzman y Lindelof dicioron que heban "trencau" l'historia; en cuentas d'una secuela, será una cinta independient. Abrams admitió en aviento de 2010 que encara no i heba guión.

De chinero de 2011, Abrams dició que no i heba decidiu si dirichiría u no, ya que encara no i heba visto un guión. Luego, Paramount Pictures se li amanó y li pidió que a secuela estase en 3D. Abrams dició que a cinta no se rodaría en 3D, sino que se filmaría en 2D y se convertiría mientres a posproducción. Tamién yera intresau en filmar en IMAX: "IMAX ye o mío formato favorito; soi un gran admirador". De febrero, Orci tuitó que él (con Lindelof y Kurtzman) planiaba entregar o guión en marzo de 2011. Encara que o guión no se remató a tiempo, Paramount prencipió a financiar a preproducción; circumstancias semellants en a proxima cinta de Jack Ryan significoron que Chris Pine filmaría en primeras a secuela de Star Trek. En abril, Orci dició en WonderCon que s'i heba completau o primer borrador d'o guión. Abrams le dició a MTV que cuan rematase a suya cinta, Super 8, centraría tot o suyo ficacio en a secuela de Star Trek.

Encara que se completó un guión, l'incerteza respective de l'alcanz d'a participación d'Abrams levó a que a cinta se retardase seis meses dende o suyo enguero programau pa chunio de 2012. Atros factors que impidioron o suyo lanzamiento y rematoron retardando-lo mas estioron l'alto presupuesto y a dificultat cheneral de trobar actors que s'achustasen a los rols. De chunio, Abrams confirmó que o suyo vinient prochecto serba a secuela, y sinyaló que preferiría que a cinta estase buena que lista pa a calendata d'enguero programada. Simon Pegg, qui interpretó a Scotty, dició en una entrevista que pensaba que a filmación prencipiaría en zaguerías d'ixe anyo. Abrams declaró que daría prioridat a la historia y os personaches d'a cinta sobre una calendata d'enguero abanzada. De setiembre, Abrams alcordó dirichir a cinta, y l'elenco d'a cinta anterior repitió os suyos respectivos papers pa un enguero en hibierno de 2012 u verano de 2013. De octubre, Orci dició que a busca de localizacions yera en marcha, y una serie de cómics (d'a cual Orci serba o director creativo) "barruntaría" a cinta. Into Darkness recibió una calendata d'enguero revisada de 2013, y Michael Giacchino confirmó que tornaría a escribir a partitura.

Lindelof dició que Khan yera considerau un personache que amenesteban fer servir en bel inte, dau que "tien una gravedat tan intensa en l'universo de Star Trek que prebablement hesenos gastau mas enerchía no pas metendo-lo en ista cinta que lo debán ta zaga". As referencias a Star Trek II: The Wrath of Khan finalment s'adhibioron a lo guión, pero Lindelof, Orci y Kurtzman "de cutio esconfioron d'a linia entre 'homenache reinventau' y 'estafa directa'". Dicioron Orci y Kurtzman que quereban una cinta que funcionase por ella sola y como secuela, sin fer servir ideyas de treballos anteriors de Star Trek simplament "perque creyes que a la chent le va a embelecar". Orci sinyaló que cuan intentaba creyar as "imáchens chigants" requeridas por un exito de taquilla de verano, Kurtzman suchirió una escena en a cual l'Enterprise surtiba de l'oceano. Con ixo como punto de partida, éls (y Lindelof) ideyoron o Cold open u teaser sequence en Nibiru, que mezclaba acción y comedia y s'aisló d'a historia prencipal en un homenache a Raiders of the Lost Ark.

Seguntes os informes, l'actor Benicio del Toro i heba estau buscau como o villano y s'i heba reuniu con Abrams pa discutir o suyo paper, manimenos, mas tardi se retiró. En 2011, Alice Eve y Peter Weller acceptoron os suyos rols. L'actor de Doctor Who, Noel Clarke, acceptó un paper desconoixiu, seguntes s'informó, yera "un hombre de familia con una esposa y una filla chicota". Demián Bichir fazió una audición pa o paper de villano, pero seguntes informó Variety o 4 de chinero de 2012, se trigó a Benedict Cumberbatch.

Rodache

[editar | modificar o codigo]

Into Darkness prencipió a suya fotografía prencipal o 12 de chinero de 2012, con una calendata d'enguero programada pa o 16 de mayo de 2013. O director de fotografía Dan Mindel filmó a cinta usando una combinación de cinta anamorfica de 35 mm y 15 camaras IMAX. Aproximadament 30 minutos d'a cinta son filmaus en formato IMAX, mientres que belatras escenas tamién se filmoron en formato de 65 mm. Into Darkness estió enguerau en 3D. O 24 de febrero de 2012, amaneixioron imáchens d'o set d'o personache de Benedict Cumberbatch en una baralla con Spock. A producción remató en mayo de 2012.

O rodache se realizó en localizacions de Los Angeles, California, y arredol de l'aria en o Laboratorio Nacional Lawrence Livermore en Livermore. As ubicacions adicionals incluyoron os Paramount Studios en Hollywood, os Sony Pictures Studios en Culver City, Crystal Cathedral en Garden Grove y Greystone Mansion en Beverly Hills. Bellas tomas se facioron en Islandia.

Marc Okrand, o desembolicador de l'idioma klingon, proporcionó a os dialogos en klingon l'entrenamiento en o set per parti d'expertos en ixe luengache construyiu. O dialogo no teneba garra sentiu coherent dimpués d'a edición, por lo que se creyó y dobló un nuevo dialogo mientres a postproducción.

Recepción

[editar | modificar o codigo]

En taquilla

[editar | modificar o codigo]

Into Darkness ganó 13,5 millons de dólars en o suyo día d'enguero en os Estaus Unius y Canadá, menos que os 30,9 millons de Star Trek. Star Trek Into Darkness remató lo suyo recorriu en os cines estausunidenses o 12 de setiembre de 2013, con un total de taquilla de 228.778.661 dólars, lo que a coloca como l'oncena cinta mas taquillera de 2013. Ganó 467.365.246 en toz, ubicando-se en o puesto 14 en 2013 y convertindo-la en a cinta mas taquillera d'a franquicia.

Recepción d'a critica

[editar | modificar o codigo]

En Rotten Tomatoes, a cinta tien un indiz d'aprebación d'o 84 %, basau en 292 resenyas, con una calificación promeyo de 7.43 / 10. O consenso d'o puesto diz: "Visualment espectacular y adecuadament repleta d'acción, Star Trek Into Darkness ye una entrega solida como una penya en a venerable franquicia de ciencia-ficción, mesmo si no ye tan fresca como a suya predecesora". En Metacritic, a cinta tien una puntuación de 72 sobre 100, basada en 43 criticas, que indica "criticas por un regular favorables".

A cinta estió criticada por una escena con o personache de l'actriz Alice Eve, Carol Marcus, en ropa interior, que se cualificó de "de raso innecesaria" y "de baldes". O guionista y productor Damon Lindelof s'esculpó en Twitter por ixa escena: "Asumo a mía responsabilidat y seré mas conscient en o futuro".[4]

Se veiga tamién

[editar | modificar o codigo]

Referencias

[editar | modificar o codigo]
  1. ↑ 1,0 1,1 (en) Enguero de Star Trek Into Darkness en Internet Movie Database.
  2. ↑ "Roberto Orci Confirms There's a Part for Admiral Pike in Star Trek 2". Bapelliur. Archived on March 18, 2012. Error: If you specify |archivedate=, you must also specify |archiveurl=Plantilla:Namespace detect showall. http://blastr.com/2011/12/roberto-orci-confirms-the.php. Retrieved August 2, 2012. 
  3. ↑ "Alice Eve's Star Trek Into Darkness Character Revealed". Comingsoon.net. https://www.comingsoon.net/news/movienews.php?id=97940. Retrieved December 12, 2012. 
  4. ↑ (en) https://www.themarysue.com/damon-lindelof-carol-marcus-2/.

Vinclos externos

[editar | modificar o codigo]
Obteniu de "https://an.wikipedia.org/w/index.php?title=Star_Trek_Into_Darkness&oldid=2233167"