Sydney

Sydney
	Localidat d'Australia
	; Anvista de Sydney, con o Puent de Harbour a dreita y l'edificio d'a Opera de Sydney a cucha.
Estato; • Estato	Australia; Nueva Galas d'o Sud
Superficie	12.144,60 km²
Población; • Total	; 4.284.379 hab. (2006)
Coordenatas	33°S 52°E
	; Sydney Situación de Sydney en Australia
	www.CityOfSydney.nsw.gov.au

L'edificio d'a Opera de Sydney y o Puent de Harbour en a nuei.

Sydney ye un municipio y ciudat australiana, que ye a capital d'o estato de Nueva Galas d'o Sud.

A suya población ye de 4.284.379 habitants (2006) en una superficie de 12.144,60 km², con una densidat de población de 352,78 hab/km². Ye a ciudat más poblata d'Australia.

A ciudat ye situata en a costa sudeste d'o país, a una distancia de 881 km a o nordeste de Melbourne, a 938 km a o sud de Brisbane, a 3.970 km a l'este de Perth, a 1.406 a l'este d'Adelaida y a 4.003 km a o sudeste de Darwin. Ye construita en os dos cantos d'a badía de Port Jackson, a on bi ha l'edificio d'a Opera de Sydney y o Puent de Harbour, os dos prencipals molimentos d'a ciudat.

Sydney fue establita en 1788 por o capitán britanico Arthur Phillip, y estió o primer asentamiento colonial europeu en o continent australián. Hue ye a capital financiera d'Australia.

Historia[editar | editar código]

A rechión de Sydney seguntes prebas realizatas con radiocarbono revela que ha estau habitata per aborichens australians dende face 30.000 anyos. Os habitants indichenas orichinarios de Sydney Cove son os Cadigal, que heban ocupau un territorio que s'extendeba dende o sud de Puerto Jackson a Petersham. ^[1] S'estima que a población d'antis d'a plegata d'a Primera Flota en l'anyo 1788 se manteneba entre 4.000 y 8.000 presonas vivindo en a rechión de Sydney.