Barranco d'o Salinar

De Biquipedia
Ir ta: navego, busca
Barranco d'o Salinar
32.Trillo.JPG
A valleta d'o barranco d'o Salinar, dende Trillo.
Administración
País {{{país}}}
Municipios por a on pasa A Fueva
Cheografía
Longaria km
Altaria d'o naixedero ±900 m
Naixedero Sierra d'o Turón, Troncedo
Desembocadura río Cinca debant de Ligüerre d'a Cinca

O barranco d'o Salinar ye un barranco en o sud-este d'a comarca d'o Sobrarbe, que naixe en as garras d'a man oriental d'a sierra d'o Turón y desemboca en o río Cinca en a coda d'o entibo de Lo Grau, debant de Ligüerre d'a Cinca.

Dominan o suyo corso as garras orientals d'a sierra d'o Turón, quan naixe por debaixo de Troncedo, y dimpués o tozal de Trillo, que se troba en a man norte d'o barranco. Quan arriba t'a Cinca en Ligüerre, por debaixo d'a cota dos cincocientos metros d'altaria sobre o nivel d'a mar, pasa por debaixo d'o calcil meridional d'a sierra de l'Entremont, en o puesto de menor altitut de tot o Sobrarbe, y avoca l'augua en o entibo de Lo Grau a menos de 4 km d'a muga más meridional d'a comarca. Salva un desnivel de más de 400 metros.

Fan parte d'a suya cuenca os lugars de Troncedo, Salinas de Trillo, Trillo, Caneto y Clamosa; totz cinco en o municipio d'A Fueva, y os despoblaus de Sant Per de Trillo, Bediello y A Selva. A suya compleguera no fa parte d'A Fueva cheografica, pus la deseparan d'ella as elevacions de o cerro en o que s'aposenta Troncedo, o tozal de Trillo y os calcils d'a sierra de l'Entremont.

Se veiga tamién[editar | editar código]


 
Ríos d'a cuenca hidrografica d'a Cinca
Marguin izquierda Barrosa · Cinqueta · Irués · Nata · Usía · O Salinar · Esera
Marguin dreita Yaga · Bellós · Ara · Susía · Vero · Alcanadre