Compleganza de recepción

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

A compleganza de recepción ye una d'as parz d'un torrent que tien forma conica pareixita a la que tenerba un envasador tallato por a mitat u tamién un antigo circo glacial. Ye d'on o torrent replega as auguas cuan pleve. Tien fuertes pendients, por lo que pueden formar-se-ie grans eslices u lurtes.

En bels casos pueden haber-ie tarteras, gleras y cheleras rocosas. En atros casos bel esliz de grans proporcions en una ladera puet fer que se faiga una compleganza de recepción d'un nuevo torrent, como se desvinió en Mont Safor, en o sud d'a provincia de Valencia.

Arias pirenencas con torrents como a imachen as laderas con mes nieu acumulata se troban enta o nord-este, ye dicir dica a versant de sotavento. Por o contrario, en as laderas de barlovento a puyata d'aire mes seco y calient (u menos frido) impide u limita l'acumulación de chelo. Tamién ye important a incidencia de rayos solars (versants de solana y paco) porque os rayos solars explican encara mes, a diferent cantidat de nieu en as dos laderas: como ye una foto adrezata enta o sud, l'ueste queda a la dreita y la nieu s'acumula en este costato porque i inciden os rayos solars muito menos tiempo de día.

Datos: Q3399517