Piniello

De Biquipedia
Ir a la navegación Ir a la búsqueda
Piniello
Localidat d'Aragón
Entidat
 • País
 • Provincia
 • Comarca
 • Municipio
Lugar
Flag of Aragon.svg Aragón
Flag of Huesca (province).svg Uesca
Ribagorza
Vall de Lierp
Codigo postal 22451
Parroquial
 • Diocesi
 •Arciprestato

Balbastro-Monzón
Ribagorza
Start hand.svg Esta pachina ye escrita en aragonés ribagorzano.

Piniello é un llugar d'el municipio de Vall de Lierp, a la comarca de la Ribagorza y la provincia de Uesca. No ten habitants dende fa anys.

Cheografía[editar | editar código]

A la solana d'el macizo de Turbón, Piniello é alto d'el sarrau que fa de divisoria d'aiguas entre la cuenca hidrografica d'el barranco d'els Mollars, afluent de l'Esera ta ponent per la vall de Lierp y dimpués la vall de Bardaixín, y la d'el barranco de la Vall, que é afluent de l'Isabana y marcha ta llevant per la vall de la Ribera. Forman el llugar tres casas, en dos barrios, que se conoixen como Piniello de Dal y Piniello de Baix.

Llengua[editar | editar código]

En estand chusto a'l puesto aon cambia la baixant, Piniello espingateya tamén a'l suposau llindero entre el catalán ribagorzano y l'aragonés ribagorzano, que de fet a la comarca no tene una boga cllara y forma parlars que son intercomprensibles. Manimenos, dende el punto d'envista academico s'ha citau que é per astí per aon é la división entre els dos idiomas, y ho que se parlaba en Piniello se va cllasificar en el catalán de transición ta aragonés, como tamé el de Reperós, que é més t'abaix per la Ribera, mentres que ho que se charra d'aquí ta l'ueste se diu que é aragonés de transición ta catalán, como en Sarrat, Pueyo, Padarnín y a la cabecera municipal, Eixeya. Las diferencias son pocas y molt graduals a esta parte de Ribagorza.

Toponimia[editar | editar código]

El nome de Piniello ven molt probablement d'el llatín <PINUS, «pino»,[1] en una forma diminutiva.[2] La palabra mostra la diptongación caracteristica de la fonetica aragonesa: -IELLO.

Festas[editar | editar código]

Con totz els llugars de la Vall, fan las festas de conchunta. Este é el calendario festivo de vall de Lierp:[3]

Referencias[editar | editar código]

  1. (an) MIGUEL BALLESTÍN, Pascual, Toponimia Mayor de Aragón; pp. 427-428. Institución «Fernando el Católico» + Gara d'Edizions. Zaragoza, 2014. ISBN 978-84-8094-059-7
  2. (es) Piniello; consultada el 24 de mayo de 2019.
  3. (es) Fiestas y Tradiciones, de la web de l'Ayuntamiento de Vall de Lierp, consultada el 28 d'abril de 2019.


Lugars d'el municipio de la Vall de Lierp
Eixea | Padarnín | Piniello | Pueyo | Reperós | l'Obago | Sarrat