Eixea

De Biquipedia
Ir a la navegación Ir a la búsqueda
Iste articlo trata sobre Eixea. Pa atros empllegos d'el toponimo Exeya se veiga Exeya (desambigación).
Start hand.svg Esta pachina ye escrita en aragonés ribagorzano.
Eixea
Localidat d'Aragón
139.Egea (Valle de Lierp) - Iglesia de San Esteban + Turbón.jpg
Ilesia de Sant Esteban y el Turbón dezaga.
Entidat
 • País
 • Provincia
 • Comarca
 • Municipio
Lugar
Flag of Aragon.svg Aragón
Flag of Huesca (province).svg Uesca
Ribagorza
Vall de Lierp
Población
 • Total

17 hab. (2018)
Altaria 1012 m.
Distancia
 • 126 km

enta Uesca
Codigo postal 22451
Parroquial
 • Diocesi
 •Arciprestato

Balbastro-Monzón
Ribagorza

Eixea[1][2], Ixea[1] u Eixeya[3] (Egea en castellano y oficialment) é un llugar aragonés de la vall de Lierp, que perteneix a'l municipio que tamé se diu aixina, en la comarca de la Ribagorza de la provincia de Uesca. La suya población en 2018 eba de 17 habitants.[4]

Toponimia[editar | editar código]

Seguntes Moisés Selfa el nombre puede estar d'orichen vasco, Etxea, y significar «casa». Bienvenido Mascaray puntualiza que en vasco-iberico la radiz de las pallabras (etxe-) no tene desinencia posible pa fer veyer el chenero ni el numero. Alavetz, se le apegaba ixa -a que le allporta la valor de determinant pero no tene un significau concreto de chenero ni de numero. Por ixo, Etxea puede estar «la casa», pero tamén «las casas».[1]

En 1135 se tene noticia d'un Bertran in Exeia; en 1608 ya é documentau como Exea, sin la -y- pa desfer el hiato.

Casas[editar | editar código]

Las casas d'Eixea son: casa l'Aguedeta, casa l'Albanyil, casa l'Alpargatero, casa l'Antonia, casa Baltasar, casa Blasco, casa Cecilia, casa Ferrer, casa Palacín, casa el Rallero, casa Ramón, casa Sastre, casa Sabel, casa Tomasa y casa Trinidad.[1]

Historia[editar | editar código]

La primer mención é d'entre 1101 y 1106 a'l Cartulario de Roda.[1] El 18 de febrero de 1417 Alifonso V d'Aragón le va vender la baronía d'Eixea a Berenguer de Bardaixí.

Yeba llugar en 1785, aldeya en 1834 y una atra vegada llugar en 1857.

Llengua[editar | editar código]

Como tot el municipio de vall de Lierp, Eixea é en zona de transición llingüistica entre l'aragonés y el catalán, en las suyas variants ribagorzanas. Eixea é a la parte occidental de la vall, aon las aiguas marchan cara ta l'Esera, como tamén Pueyo, Sarrat, Padarnín y l'Obago. La parla d'esta parte de la vall se considera aragonés ribagorzano de transición ta catalán, mentres que la parte oriental (Piniello y Reperós) s'ha cllasificau como catalán ribagorzano de transición ta aragonés.

La dita transición é tan progresiva que de regular las parlas de tota la Ribagorza, tanto las que pertencen a la un como a l'atro idioma, son comprensibles entre si y tenen elementos comuns que son propios d'esta comarca.

Rechistro[editar | editar código]

Entre que se feba el prochecto de l'Archivo Audiovisual de l'Aragonés, que se va fer dende l'anyo 2001 y enta debant, con la finalidat de documentar d'una traza grafica los parlars vivos de los diferents llugars aragonesofonos de l'Alto Aragón, se va grabar en video conversacions y expllicacions sobre la vida tradicional per parte de parladors patrimonials de la parla local d'Eixea y de Padarnín, que son aldeyas de Vall de Lierp. Las ditas grabacions son disponibles a la plataforma YouTube.[5]

Demografía[editar | editar código]

Evolución demografica
1992 1994 1996 1997 1998 1999 2000 2001 2002
- - - - - - 18 18 17

2003 2004 2005 2006 2007 2008 2009 2010 2011
15 15 15 13 13 12 11 17 21

2012 2013 2014 2015 2016 2017 2018 2019 -
20 19 19 18 18 17 17 - -

1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.


Monumentos[editar | editar código]

Casa l'Albanyil, un eixemplo d'arquitectura tipica de la vall de Lierp.

Festas[editar | editar código]

Con totz els llugars de la Vall, fan las festas de conchunta. Este é el calendario festivo de vall de Lierp:[6]

Referencias[editar | editar código]

  1. 1,0 1,1 1,2 1,3 1,4 1,5 1,6 1,7 (es) Articlo Eixea, Sala, Serrate de 4 d'octubre de 2015 a'l Diario del Alto Aragón; consultau el 27 d'abril de 2019.
  2. (ca) la Vall de Lierp en a Gran Enciclopèdia Catalana. Consultada el 27 d'abril de 2019.
  3. (an) Video Noms dels llugás de l'Archivo Audiovisual de l'Aragonés, feit a Padarnín por l'Asociación Cultural Parola.
  4. (es) Nomenclátor: Población del Padrón Continuo por Unidad Poblacional a 1 de enero ; consultau el 23 de mayo de 2019.
  5. Canal YouTube de la Asociación Cultural Parola, responsable del Archivo Audiovisual de l'Aragonés.
  6. (es) Fiestas y Tradiciones, de la web de l'Ayuntamiento de Vall de Lierp, consultada el 28 d'abril de 2019.

Vinclos externos[editar | editar código]


Lugars d'el municipio de la Vall de Lierp
Eixea | Padarnín | Piniello | Pueyo | Reperós | l'Obago | Sarrat