Penyas de Ferrera

De Biquipedia
Ir a la navegación Ir a la búsqueda
Penyas de Ferrera
Peñas de Herrera
Peñas de Herrera.jpg
Cheografía
Cordelera Sistema Iberico
Sector Sierra de Moncayo
{{{tpran}}} {{{ran}}}
Maxima altaria 1.591 m
Cimas importants Picarrón (1.591 m), Penya d'el Camino (1.542 m) Penya d'Enmedio (1.462 m) y La Gotera (1.347 m)
Largaria
Amplaria
Superficie
Subsistemas {{{subsistemas}}}
Administración
Estato
País Flag of Aragon.svg Muga entre os municipios de Talamantes, Anyón de Moncayo, Calcena y Purullosa (Zaragoza)
'
Edat
Materials
Tipo {{{tipo}}}
Mapa
Sistema Ibérico.png
Montanya.svg

As penyas de Ferrera (en castellán Peñas de Herrera) son quatre rocas macizas y anglosas situadas de norte a sud en o cabalto d'una loma d'a sierra de Moncayo (Sistema Iberico) a l'ueste d'este mont. D'antis mas bi heba una chelera que erosionó a suya parti mas feble deixando actualment destacada a parti rocosa respecto d'a resta d'o terreno.

Altaria[editar | editar código]

L'altaria d'a penya mas altera, dita Picarrón ye de 1.591 metros y sirve de sinyal ta a muga entre as localidatz de Talamantes, Anyón de Moncayo, Calcena y Purullosa; as atras tres penyas restants tienen unas altarias de 1.542 m (Penya d'el Camino), 1.462 m (Penya d'Enmedio) y 1.347 m (La Gotera) respectivament.

Toponimia[editar | editar código]

Por estar muito envistables y tener importancia estratechica, as penyas de Ferrera ya se nombran en textos medievals aragoneses u navarros como por eixemplo en 1232 quan Chaime I d'Aragón entregó uns castiellos a Sancho VII de Navarra:

Et es a saber que estos son los castiellos: Ferrellon, Ferrera, el castiello qui es a piedes de Mont Chaio qui es clamado La Fassina, et Penna Redonda, et Çalatamor; estos uos dono et uos otorgo quitios et saluos et sines nul entredit, con aguas, con montes, con ierbas, con passimientos, et con iermos et con poblados, et con todos aqueillos dereitos qui io i oui, ni e, ni deuo auer.[1]

En a "Cronica de los Conquiridors" tamién nombran estos releus:

Et otro dia de manyana torno lo a veyer et apres enuio lo pregar que le prestasse .CM. sueldos et el dixo quelo farie mas que gelos assegurasse bien et fue assi entre ellos que don Jayme le libro ferrera et ferreion et penya Redonda et la faxina

Cheolochía[editar | editar código]

As penyas de Ferrera son o producto d'erosionar-se y trencar-se un libel sedimentario de calsineras churasicas que fan part d'una siella anticlinal con materials triasicos en o nuclio.[2]

Fauna[editar | editar código]

En as paretz d'as quatre rocas que forman as penyas habitan alicas, vueitres y cuervos; en a plana baixo as rocas bi ha liebres, corzos, chabalins y rabosas.

Flora[editar | editar código]

En as zonas mas baixas d'as penyas mos trobaremos con paisaches de carrascas y caixicos; a mesura que puyamos iremos veyendo como van desapareixendo os árbols y apareixen os arbustos como o fenullo (Foeniculum vulgare), o tremoncillo (Thymus vulgaris), o romero (Rosmarinus officinalis), a xordiga (Urtica), a menta (Mentha) y o espícol (Lavandula angustifolia). Tamién podemos veyer bella planta caracteristica d'ista zona de Moncayo como ye a vetiquera (Clematis vitalba), a ixalagra (Mentha longifolia), a gallineta (Dactylorhiza elata), a senera (Amelanchier ovalis) y o tulipán silvestre (Tulipa sylvestris).

Puyada[editar | editar código]

O recorriu ye sinyalizau con marcas de pintura roya y blanca que mos levarán a la cima d'as Penyas. Dimpués de pasar l'armita de Sant Miguel, hemos de prener un sendero dirección ueste que mos levará a o barranco de Val de Ferrera. O sendero mos leva dica un cuello entre dos d'as Penyas de Ferrera, dende a on ye muit fácil puyar a la más baixa y disfrutar d'o espectacular paisache.

O trachecto dura bellas quatre horas y meya alto u baixo. Se gosa puyar-ie en a epoca que va d'abril a agosto.

Referencias[editar | editar código]

  1. (es) José María Jimeno Jurío, Roldán Jimeno Aranguren: Archivo General de Navarra (1194-1234) Volumen 89 de Fuentes documentales medievales del País Vasco. Eusko Ikaskuntza, 1998.
  2. (es) Francisco Pellicer Corellano: El Relieve del Moncayo. Diputación general de Aragón, 1987. p 13-16, p 32-33

Se veiga tamién[editar | editar código]

Vinclos externos[editar | editar código]