Clematis vitalba
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
| Vetiquera | ||||||||||||||||||
 Vetiquera (Clematis vitalba) | ||||||||||||||||||
| ||||||||||||||||||
| Clematis vitalba L. | ||||||||||||||||||
A vetiquera u vetiguera (Clematis vitalba (L. 1758)) ye una enreligadera natural d'Europa que creixe en selvas, barzals y marguins, con preferencia per a tierra calsinosa.
S'enfila en os árbols, paretz y baranas creixendo-be muito per dencima, a ormino gosando fer l'altura d'éstes. En as marguins, forma una capa cobertera en a resta d'a vechetación. Se reconeixe más que más per as simients flotaderas que produce, con forma d'ancheletz (aquenios) plumosos de color blanca, que fa en grans cantidatz.
En as zonas mediterranias d'a val d'Ebro se troba restrinchida en os sotos fluvials (urmeras, choperas) estando sustituita en as selvas y matucals mediterranios por Clematis flammula.
Fitonimia[editar | modificar o codigo]
En Aragón tiene diferents formas d'o mesmo fitonimo, y ye una d'as parolas que más s'han estudiato en función d'a suya distribución, pos pendendo d'os puestos la i dicen con conservación d'as consonants xordas u sonorización d'éstas. Una relación aproximata d'as rechions a on la i dicen de cada maniera ye: vetiquera en a Chacetania, Alto Galligo y Sobrarbe a l'ueste d'o río Cinca, vetiguera a l'este d'o río Cinca (val de Chistau, val d'A Fueva, Ribagorza), belliguera en a val de Benás, meliguera ocasionalment en o sud de Ribagorza, Litera y Cinca Meya, botiquera en o Semontano de Balbastro, y petiquera en a Plana de Uesca y Alcanyiz. En a val d'Ansó le i dicen billuertera, que ye un termino posiblement influiu per l'antigo romance navarro.[1]
Referencias[editar | modificar o codigo]
- ↑ ELCOCK, W. D. Algunas afinidades fonéticas entre el aragonés y el bearnés. Xordica Editorial e Prensas Universitarias de Zaragoza. Zaragoza 2005. ISBN 84-96457-09-5
Vinclos externos[editar | modificar o codigo]
Wikispecies tiene un articlo sobre Clematis vitalba.
Se veigan as imáchens de Commons sobre vetiqueras.
