Quercus coccifera
| Quercus coccifera | |
|---|---|
 | |
| Denominacions populars | |
coscolla, coscollera, coscollo / coscol, coscoll, rebollera, rebollero, rebollo / reboll, lecinastro
| |
| Estau de conservación | |
| Clasificación cientifica | |
| Eukaryota | |
| Plantae | |
| Fagales | |
| Fagaceae | |
| Quercus | |
| Q. coccifera | |
| Descripción | |
Quercus coccifera
L., | |
| Distribución cheografica | |
 | |
A coscolla[1], coscollera[1][2] u coscollo[1][nota 1] (nombre cientifico Quercus coccifera (L., 1758)) ye un arbusto de fuella perenne, verda toda l'anyada, que no s'alza si que bel par de metros d'altaria (muit pocas vegadas plega enta o porte arborio). Gosa estar ramificau dende la base suya, fendo que as brancas, de berla grisa u blanca, s'entaranan deixando l'interior d'o matullo cuasi impenetrable. Tamién se conoixe como rebollera[1][nota 2], rebollo[1][nota 3] u lecinastro[1].
As suyas fuellas son simples, alternas, membranosas y tiercas, sin de pilosidaz en garra cara. As marguins foliars son ondeyadas con punchas mas u menos numerosas. A coloración ye verda intensa, y tienen forma agüebada u alargada, con a superficie brilant y lustrosa.
As flors están, como en tot o chenero Quercus, separadas por sexos. As flors masclo son chicolonas, con l'embolique fendo forma de copa, trestallada en 4, 5 u mesmo 6 dients y con un numero variau d'estamens (entre 4 y 10). Forman grupos en forma d'espiga curta, de color amarellisca, finetas y penchadas d'as brancas.
As flors fembra libran d'a mesma planta, pero nomás cuan as masculinas son ya xutas (ta evitar l'autofecundación). Anisoladas u en grupos de dos u tres, a fecundación ye eolofila.
O fruito d'ista planta ye de tipo glan y se diz coscollina u coscollín, encara que tamién se diz en bels puestos bellota borde u simplament bellota/billota. No contién que un embrión. Son dicotiledonias, y os cotiledons pueden separar-se lonchitudinalment cuan a coscollina ye ubierta. Una caracteristica d'istas billotas ye que no s'emplegan ta garra bestiar, porque o suyo gusto ye muit amargo y os animals las deixan estar.
Notas
[editar | modificar o codigo]Referencias
[editar | modificar o codigo]- ↑ 1,0 1,1 1,2 1,3 1,4 1,5 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- ↑ (an)/(ca)/(es) Cartel d'a flora (PDF: 13.9 Mb) d'a pachina web "Aragón Natural" d'o Gubierno d'Aragón
Vinclos externos
[editar | modificar o codigo]
Se veigan as imáchens de Commons sobre Quercus coccifera.- Wikispecies tien información adicional sobre os coscollos.
| Control d'autoridaz |
|
|---|
Datos: Q158178- Multimedia: Quercus coccifera / Q158178
Especies: Quercus coccifera