Orden de Sant Chaime en Aragón

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Orden de Sant Chaime Orden de Sant Chaime, Orden de Santiago, Orden d'Uclés
Sant Chaime
Información cheneral
Activa	Sieglo XIII - actualidat
País	Aragón
Tipo	Orden relichiosa y militar
Insignias
Simbolo d'identificación

La Orden de Sant Chaime en Aragón s'estableix en 1212, cuan lo rei Pero II donó la villa de Mont-Albán a lo mayestre Fernando González como premio por l'aduya en la presa de Mont Albán. Lo convento de la villa de Mont Albán yera chusmeso a lo principio a lo prior d'Uclés, qui yera lo receptor de las rendas de los diferents centros santiaguistas. La Comanda de Mont Albán se convertió en la casa matriz de los establimientos de la orden en la Corona d'Aragón. Por estar una orden orichinaria de Castiella tamién recibiban una denominación orichinal en castellano de Orden de Santiago; por estar chusmesos a lo Monesterio d'Uclés, seu de la orden, tamién lis diciban en aragonés medieval Orden de Uclés.

La Comanda de Mont Albán aduyó a la reconquiesta de lo reino de Valencia. Lo comandador de Mont Albán condució a lo campo de batalla a los caballers de Sant Chaime y tamién a los habitadors de la villa. A mitat de lo sieglo XIII los dominios de la orden se facioron grans, por donacions u compra, estabilizando-se lo suyo patrimonio a finals d'este sieglo.

Las mes importants posesions santiaguistas en lo reino d'Aragón estioron:

• La Comanda de Mont Albán.
• Lo Hespital de Sant Bertolomeu de Zaragoza (dito dimpués de la Mercé)
• La Casa de la Mercé de Teruel.
• La Comanda de Sant Marcos de Teruel .
• Lo lugar de Villanueva de la Uerba.
• Tamién tenioron propiedaz y biens en Calatayú y Albarracín.

La Orden de Sant Chaime tenió importancia tamién en lo reino de Murcia en lo periodo d'ocupación aragonesa (1296-1304). En l'Archivo de la Corona d'Aragón bi ha textos que en charran:

Al noble e amado don Johan Osores, maestro de la Horden de la cavalleria de Sant Jayme et cetera.

Entendiemos que agora avíades çitado a Ferrant Péreç, comendador de la val de Ricot, a capítol e que allí le avíades tuelta la comanda de Ricot e que la queríades dar a otro. E como el dito Ferrant Pérez sia homne bueno e en qui muyto podría homne fiar, e él la su comanda aya tenido bien e lealment assí que danno ni menoscabo no a venido por él al regno nuestro de Murcia, rogamos vos que por amor de nos embiedes al dito Ferrant Pérez por comendador de Ricot assí como la tenía, et si por ventura por cosas que.l fiçiesse contra la Orden lo avíades a mudar de la dita comanda, que consintades que la tenga el dito Ferrant Pérez entro que nos ayades certifficado a qui tenredes por bien de comendarla, que se faga con nuestra voluntat porque nos no end ayamos a aver sospeyta, e gradecer vos lo hemos muyto.

Dada en el sitio del castiello de Lorca, III días por andar del mes de junio et cetera.

Petrus Martini, mandato Guillermi Durffortis.

ARCHIVO DE LA CORONA DE ARAGON, C, reg. 253, fol. 27v.

Se veiga tamién

• Orden de Sant Chaime

Bibliografía

• (es) Ana Mateo Palacios Las órdenes militares en Aragón CAI100, 1999.

• Datos: Q13049744