Melón d'augua
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O melón d'augua,[1] melón d'agua[2][3] u sandía[1], en ribagorzano melón d'aigua,[4][5] ye o fruito comestible d'a cucurbitacia anyal Citrullus lanatus, una especie venida d'Africa tropical pero bien estendillada en agricultura de regano y en a huerta de buena cosa de mundo. Ya se conoixeba en Echipto, pero fuen os arabes que l'introdución en Europa a través d'a Peninsula iberica.[6]
O melón d'augua ye una fruita gran, d'entre 3 y 10 Kg de peso, con a crosta lisa y de color verda fosca-fosca u con rayas mas claras que van a lo largo. A pulpa ye roya, pompuda y sucosa (contiene muita augua). A simient se troba en forma de pepas esparcidas por a pulpa. Como atras cucurbitacias, o rebús que queda d'haber-las minchau os humans (como por eixemplo a pela) i hai animals domesticos que les fa felera, como os latons.
A «melonera d'augua» ye un mata rastrera y que puede enfilar-se que arriba a mesurar uns cuantos metros, por lo cual s'ha de dedicar buena cosa d'espacio pa ella en o huerto si se'n quiere plantar ya que, caso contrario, medrará afogando las atras plantas. Igual como a suya parient de leixos, a calabacera, a mida y o peso que gosa pillar fan que sía preciso cosirar pa que no s'enfile por cualques estructuras, como barandaus de malla metalica porque acabaría por capuzar-los.
Valors nutricionals
[editar | modificar o codigo]| Valor nutricional por cada 100 gramos de producto | |
| Enerchía | 127 KJ |
| Valura calorica | 30 Kcal |
| Graixas | 0.15 g |
| Hidratos de carbonio | 7.55 g |
| Zucres | 6.2 g |
| Proteínas | 0.61 g |
| Sal | 1 mg |
Se veiga tamién
[editar | modificar o codigo]Referencias
[editar | modificar o codigo]- ↑ 1,0 1,1 (an)(es) ROMANOS HERNANDO, Fernando, Diccionario aragonés-castellano castellano-aragonés; Edicions Transiberiano. Zaragoza, 2017. ISBN 978-84-16825-16-5
- ↑ SOLER BETÉS, Amparo-Ángeles. Replega de bocabulario de Ballobar; Publicazions d'o Consello d'a Fabla Aragonesa. Uesca, 2004. ISBN 84-95997-12-6
- ↑ LÓPEZ DIESTE, José Carlos. Vocabulario aragonés de Villanueva de Gállego (Bajo Gállego, Zaragoza). Xordica Editorial. Zaragoza, 2010. ISBN 978-84-96457-62-1
- ↑ ARNAL PURROY, Mª Luisa, Diccionario del habla de la Baja Ribagorza Occidental -Huesca-; Institución «Fernando el Católico» + Gara d'Edizions. Zaragoza, 2003. ISBN 84-8094-052-2
- ↑ MASCARAY SIN, Bienvenido, Vocabulario del habla de Campo (Ribagorza, Huesca); Prensas Universitarias de Zaragoza + Xordica Editorial. Zaragoza, 2013. ISBN 978-84-96457-87-4
- ↑ (es) Origen e historia de la sandía, consultau o 14 de chinero de 2022.
Enlaces externos
[editar | modificar o codigo]
Se veigan as imáchens de Commons sobre melons d'augua.
