Proteína
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
As proteínas son macromoleculas feitas de cadenas linials d'aminoacidos. O nombre «proteína» dimana d'o dios griego Proteu per as diferents formas que podeba adubir, anque una altra versión diz que dimana d'a parola griega «πρώτα» ("prota", a mesma radiz que en "protagonista") perque significa «lo primer u prencipal».
As proteínas son as biomoleculas mas capables y diversas en os sers vivos. Realizan una gran diversidat de funcions, d'entre las que se'n puede destacar:
- Estructural (p. ex. Colacheno y queratina).
- Reguladera (p. ex. Insulina y hormona d'o creiximiento (Growth Hormone - Gh).
- Transportadera (p. ex. Hemoglobina).
- Defensiva (p. ex. Familia d'as Inmunoglobulinas -anticuerpos-).
- Enzimatica.
- Contractil (p. ex. Actina y miosina).
As proteínas de toz os sers vivos son determinatas per a suya chenetica, que ye como dir que la información chenetica determina qué proteínas ha de tener una celula, un teixito u un organismo.
As proteínas se sintetizan pendendo de cómo seigan regulatos os chens que las codifican. Per ixo, son susceptibles a los sinyals y factors externos. O conchunto d'as proteínas que son expresatas en una situación concreta se diz proteoma.
