Melón d'augua

De Biquipedia
Ir a la navegación Ir a la búsqueda
Melons d'augua.

O melón d'augua,[1] melón d'agua[2][3] u sandía[1], en ribagorzano melón d'aigua,[4][5] ye o fruito comestible d'a cucurbitacia anyal Citrullus lanatus, una especie venida d'Africa tropical pero bien estendillada en agricultura de regano y en a huerta de buena cosa de mundo. Ya se conoixeba en Echipto, pero fuen os arabes que l'introdución en Europa a través d'a Peninsula iberica.[6]

O melón d'augua ye una fruita gran, d'entre 3 y 10 Kg de peso, con a crosta lisa y de color verda fosca-fosca u con rayas más claras que van a lo largo. A pulpa ye roya, pompuda y sucosa (contiene muita augua). A simient se troba en forma de pepas esparcidas por a pulpa. Como atras cucurbitacias, o rebús que queda d'haber-las minchau os humans (como por eixemplo a pela) i hai animals domesticos que les fa felera, como os latons.

A «melonera d'augua» ye un mata rastrera y que puede enfilar-se que arriba a mesurar uns quantos metros, por lo qual s'ha de dedicar buena cosa d'espacio pa ella en o huerto si se'n quiere plantar ya que, caso contrario, medrará afogando las atras plantas. Igual como a suya parient de leixos, a calabacera, a mida y o peso que gosa pillar fan que sía preciso cosirar pa que no s'enfile por qualques estructuras, como barandaus de malla metalica porque acabaría por capuzar-los.

Valors nutricionals[editar | modificar o codigo]

Valor nutricional por cada 100 gramos de producto
Enerchía 127 KJ
Valura calorica 30 Kcal
Graixas 0.15 g
Hidratos de carbonio 7.55 g
Zucres 6.2 g
Proteínas 0.61 g
Sal 1 mg

Se veiga tamién[editar | modificar o codigo]

Referencias[editar | modificar o codigo]

  1. 1,0 1,1 (an)(es) ROMANOS HERNANDO, Fernando, Diccionario aragonés-castellano castellano-aragonés; Edicions Transiberiano. Zaragoza, 2017. ISBN 978-84-16825-16-5
  2. SOLER BETÉS, Amparo-Ángeles. Replega de bocabulario de Ballobar; Publicazions d'o Consello d'a Fabla Aragonesa. Uesca, 2004. ISBN 84-95997-12-6
  3. LÓPEZ DIESTE, José Carlos. Vocabulario aragonés de Villanueva de Gállego (Bajo Gállego, Zaragoza). Xordica Editorial. Zaragoza, 2010. ISBN 978-84-96457-62-1
  4. ARNAL PURROY, Mª Luisa, Diccionario del habla de la Baja Ribagorza Occidental -Huesca-; Institución «Fernando el Católico» + Gara d'Edizions. Zaragoza, 2003. ISBN 84-8094-052-2
  5. MASCARAY SIN, Bienvenido, Vocabulario del habla de Campo (Ribagorza, Huesca); Prensas Universitarias de Zaragoza + Xordica Editorial. Zaragoza, 2013. ISBN 978-84-96457-87-4
  6. (es) Origen e historia de la sandía, consultau o 14 de chinero de 2022.

Enlaces externos[editar | modificar o codigo]