Pepa
- Iste articlo tracta sobre as pepas como forma de simient. Pa atros emplegos de pepa, se veiga Pepa (desambigación).
Pepas u pipas ye una denominación común (no scientifica) pa las simients de diferents plantas de las quals se'n gosa trobar numerosas chuntas en un mesmo receptaclo (sía un fruito, infructescencia, etc.) y especialment quan tienen una mida chica en comparanza con l'organo vechetal a on que se las troba.
Muitos fruitos de consumo humano regular tienen simients que reciben o nombre de pepas, como o tomate, o pepino, a manzana, os figos, o melón, o melón d'augua. Muitas d'ixas pepas tienen napas exteriors duras que se puede deseparar (como pelas u cascuellos) y a simient que se troba en l'interior en bells casos ye comestible.
O chirasol, que ye una asteracia introducida d'America, tiene inflorescencias composadas (liguladas) que en madurar se tornan infructescencias en as quals cada fruito individual (aquenio) ye apretau contra os de demés, por dotzenas, y vistable. As simients de chirasol reciben preferiblement o nombre de pipas, anque dende o punto d'envista botanico son plenament fruitos (aquenios) cada una d'ellas. A suya mida y a presentación por decenas en cada infructescencia ha puesto facilitar que se les diga pipas por cuenta de granos, como se fa con as simients más menudas d'atras asteracias.