Joule

De Biquipedia
Ir ta: navego, busca

O joule (prenunciato en anglés /ˈdʒuːl/, simbolo J) ye a unidat d'enerchía, cantidat de calor y treballo en o Sistema Internacional d'Unidatz. Fue nombrata asinas en honor d'o fisico anglés James Prescott Joule (18181889). Se tracta d'una unidat derivata que se define como o treballo que fa una fuerza d'un newton quan o punto a on que s'aplica se desplaza un metro en a dirección d'a fuerza. En termins d'unidatz basicas d'o Sistema Internacional s'exprisa en kilogramos por metro quadrato dividito entre segundos a o quadrato:

\, 1\, \mathrm{J}=1\, \mathrm{kg} \cdot \mathrm{m}^{2} \cdot \mathrm{s}^{-2}

Seguntes as normas d'o Sistema Internacional d'Unidatz publicatas por a Oficina Internacional de Pesos y Mesuras o nombre d'a unidat s'ha d'escribir en minuscla (joule) y o simbolo con a letra mayuscla J ya que se deriva d'un nombre propio[1][2]

Referencias[editar | editar código]

  1. (en) O Sistema Internacional d'Unidatz PDF. Publicación d'a Oficina Internacional de Pesos y Mesuras. Pachina 131, apartato 5.2 Unit names
  2. (en) Resolución numero 12 d'a 11ena reunión d'a CGPM. A Conferencia Cheneral de Pesos y Mesuras celebrata en París en 1960 definió o Sistema Internacional d'Unidatz y consagró o joule como unidat d'enerchía, treballo y cantidat de calor.