Cucurbita

*Cucurbita*
Mata de carbaza de rabiquet (Cucurbita maxima)
Clasificación cientifica
Dominio:	Eukaryota
Reino:	Plantae
División:	Magnoliophyta
Clase:	Magnoliopsida
Orden:	Cucurbitales
Familia:	Cucurbitaceae
Subfamilia:	Cucurbitoideae
Tribu:	Cucurbiteae
Chenero:	Cucurbita

Cucurbita ye un chenero de plantas dicotiledonias en a familia Cucurbitaceae, que comprende especies caultivadas por as suyas fruitas, simients y flors.

Son plantas de creiximiento anyal, de regular rastreras u enfiladizas, que aduben en as suyas formas bordes a fer diversos metros de lonchitut en o tallo. En o suyo creiximiento, emiten filos que s'embracan con a vechetación adchacent. As fuellas son palmatas, y en cualques especies, son pubescents mesmo que os tallos.

Os eixemplars solen estar dioicos, anque no ye raro de trobar-ne que nomás fan flors d'un solo sexo. As flors son muit grans, y son adaptadas a estar polinizadas por as abelletas d'os cheneros Peponapis y Xenoglossa. Os fruitos son peponides (ixo ye, un fruito d'o tipo baya pero granizo) con midas que varían extremadament d'entre unas especies y atras, arribando a pesar dica diversos kilogramos en Cucurbita maxima (a carbaza). As formas son diversas, largos, cilindricos, esfericos, si fa u no fa bulbosos toz, con colors que bailan d'entre l'amariella clareta dica os verdes mas intensos.