Pepín

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Pepins.

O pepín u pepino ye o fruito comestible d'a cucurbitacia Cucumis sativus, una mata anyal que dimana d'a India y que s'introdució en Europa entre l'Antigüidat tardana y principios d'a Edat Meya, bieser que traíta por os romanos.

Dende o punto d'envista botanico, o pepín ye una baya de tipo peponide que naixe d'as flors inferas femeninas d'a pepinera. Ye una hortaliza prou productiva si se mete en regano, y a mata creixe rastrera dica 2 u 3 metros de largura en o huerto, an que se le puede guiar y fer que s'enreligue con forquetas ya que, como todas as cucurbitacias, tiene filos pa agafar-se.

O pepín ye un ingredient tipico en platos como os apanyizos, tan comuns en a dieta mediterrania.

Valors nutricionals

Valor nutricional por cada 100 gramos de producto
Enerchía	65 KJ
Valura calorica	16 Kcal
Graixas	0.11 g
Hidratos de carbonio	3.63 g
Zucres	1.67 g
Proteínas	0.65 g
Augua	95.23 g

Ditos y mazadas

• «con pepino y con melón as tripas en os talons»
• «pepino, cergüellos y calabazón se pintan solos pa dar torzons»

Se veiga tamién

• Carbacín.
• Carbaza.
• Melón.
• Melón d'augua.