Mellivora capensis

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

*Mellivora capensis*

Denominacions populars
ratel
Estau de conservación
Seguro (IUCN)
Clasificación cientifica
Reino:	Animalia
Filo:	Chordata
Subfilo:	Vertebrata
Clase:	Mammalia
Orden:	Carnivora
Familia:	Mustelidae
Chenero:	Mellivora
Especie:	Mellivora capensis
Descripción
Mellivora capensis Schreber, 1776,
Distribución cheografica
Aria de distribución d'a especie.

O ratel^[1] (nombre cientifico Mellivora capensis) ye una especie de mamífero carnívoro d'a familia Mustelidae propio d'Africa, Orient Meyo y o subcontinent indio. Ye a sola especie d'o suyo chenero.

Caracteristicas

Ye de cuerpo prolargau y robusto, mide bels 85 centimetros de longaria y 30 centímetros d'altura. Un masclo adulto plega a pesar 14 kg; as fembras, por a suya parte, no aconsiguen os 9 kg. Tiene cabeza larga, patas curtas y fuertes, con didos proveyius d'unglas solidas muit aptas para excavar, y una curta coda. O suyo pelache ye griso en a cabeza, cuello, dorso y coda. As partes inferiors son cuasi negras, y entre las dos zonas bi ha una linia muit clara, cuasi blanca.

Dieta

A suya dieta pasa dende grans presas a, en ocasions, carnuz, encara que o suyo plato preferiu lo troba estricallando arnas. O suyo costumbre de saquiar arnas para alimentar-se de miel les ha levau a enfrontinar-se con os apicultors, que a vegatas les disparan, les meten trapas u los enverenan. Pese a o suyo gusto por a miel ye prencipalment carnivoro y devora cualsiquier animal, incluindo radedors, aus, chicoz antilopes, engardaixos, tortugas, ranas, sirpients y invertebraus. Minchan tamién alimentos vechetals como lulos, radices y bulbos.^[2]

Comportamiento

Son famosos por a suya dureza, pero no son indestructibles, ya que leons y leopardos los cazan habitualment.

Os ratels son consideraus o "paradigma d'a ferocidat", ya que fan reflecto d'ella en cada acto, son tenaces y resistents ya que nunca deixan escapar una presa.

En 2002 estió incluiu en o Libro Guinness d'os récords como: "most fearless animal in the world" (l'animal mas valient d'o mundo).

Referencias

↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
↑ Rosevear, Donovan Reginald (1974). The Carnivores of West Africa. London: Trustees of the British Museum (Natural History). ISBN 056500723X

Datos: Q173128
Multimedia: Mellivora capensis / Q173128
Especies: Mellivora capensis

[DACC-1] (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).

[DRR-2] Rosevear, Donovan Reginald (1974). The Carnivores of West Africa. London: Trustees of the British Museum (Natural History). ISBN 056500723X

[1]

[2]