Lacertilia

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Lacertilia
Clasificación scientifica
Dominio: Eukaryota Reino: Animalia Filo: Chordata Subfilo: Vertebrata Clase: Reptilia Subclase: Diapsida Orden: Squamata Suborden: Lacertilia
Infraordens
Dibamidae Iguania Gekkota Scincomorpha Diploglossa Platynota

Os lacertilios u engardaixos (Lacertilia) son un suborden de reptils que incluye a mayoría de reptils actuals, como os varanos, iguanas, coritofanidos, camalions, sargantanas y geckos asinas como qualques formas fósils muit notables, como os mosasaurios d'o Cretacio superior.

Chunto a os subordens d'as serpients (Serpentes) y d'as culebrillas ciegas (Amphisbaenia), forman l'orden Squamata. Os lacertilios comprende quasi 5.000 especies.

Dinantes se denominaban saurios (Sauria) a o suborden formau por os lacertilios y as serpients, pero como que ha resultau estar parafiletico, o nombre Sauria s'aplica agora a un clado mayor de reptils que incluye a mayoría d'os diapsidos.

Zoonimia

De fueras de bella forma emblematica, a mes gran part d'as especies d'este suborden pueden recibir en aragonés a denominación una denominación chenerica en aragonés que corresponde a engardaixo u fardacho, u un conchunto de variants intermedias entre estas dos palabras.

Biolochía y ecolochía

Os engardaixos s'alimentan cheneralment d'invertebraus como insectos u aracnidos, y en ocasions (y dependendo d'a especie) de chicotz vertebrados, incluindo a atras especies d'engardaixos. Unas poco especies son omnivoras y pueden minchar plantas.. A mayoría d'os engardaixos ponen uegos, encara que unas poco especies los retienen en o suyo interior y paren dreitament (ovoviviparos).