Futuro proximo

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O futuro proximo (futur proche) ye un tiempo perifrastico en francés que se fa con o present d'o verbo semiauxiliar aller ("ir") seguiu d'un infinitivo^[1] y que indica una acción immediata en oracions en as que no se precisa o tiempo. Tamién se fa servir pa indicar cambios.^[1] Tiene un aspecto incoativo.

A perifrasi temporal ir a + infinitivo de l'aragonés^[2]^[3] ye un equivalent d'este tiempo perifrastivo.

Persona		Equivalencia en aragonés
1ª Sing.	Je vais chanter	Yo voi a cantar
2ª Sing.	Tu vas chanter	Tu vas a cantar
3ª Sing.	Il va chanter, elle va chanter	Él va a cantar, ella va a cantar
1ª Plur.	Nous allons chanter	Nusatros imos a cantar
2ª Plur.	Vous allez chanter	Vusatros iz a cantar
3ª Plur.	Ils vont chanter, elles vont chanter	Éls/Ellos van a cantar, ellas van a cantar

Emplego

Tipicament indica accions immediatas:

Je vais le faire avec la houe.
- El voi a fer con el ixato.^[2]
Et je vais te dire pourquoi.
- E te voi a decir perqué.^[2]

Si no bi ha una indicación d'o tiempo indica accions immediatas. Manimenos si bi ha un complemento de tiempo indica un futuro ya mes apartau d'o present,^[4] feito no documentau en a perifrasi equivalent de l'aragonés.

Je vais rester en août.
- Yo me quedaré en agosto.

Se prefiere o emplego d'o futur proximo respecto a lo futuro simple pa indicar cambios.^[4]

Nous allons avoir un autre fils.
- Imos a tener atro fillo.^[3]

Se considera o futur proche como mes coloquial y o futuro simple d'indicativo como mes formal y d'uso preferent en a escritura. Atra diferencia d'uso con esta forma d'expresar o futuro con o verbo aller ye que o futuro simple se fa servir pa indicar as consecuencias d'os cambios indicaus por o futur proche.

Laisse-moi un peu de temps, je vais gagner de l'argent. On va s'en sortir. Je ne retournerai jamais vivre là-bas.^[5]

Referencias

↑ ^1,0 ^1,1 (es) Jesús Cantera y Eugenio de Vicente: Gramática francesa. Editorial Cátedra, S.A., 1999. p 157, p 266.
↑ ^2,0 ^2,1 ^2,2 (es) Chabier Lozano Sierra, Ánchel Loís Saludas: Aspectos morfosintácticos del belsetán, 2005, Gara d'Edizions, pp 103-105.
↑ ^3,0 ^3,1 (es) Chabier Lozano Sierra: Aspectos Lingüisticos de Tella. Aragonés de Sobrarbe (Huesca). Gara d'Edizions - Prensas Universitarias de Zaragoza - Institución Fernando el Católico. 2010. pp 151-152.
↑ ^4,0 ^4,1 (fr) Maïa Grégoire, Odile Thiévenaz: Grammaire progressive du français. Clé International, 2002. pp 156-157, p 216.
↑ (fr) Caroline Ellen: Les brumes de Lantic. Editor: Lulu.com, 2013, p 96, p 266

Bibliografía

(es) Gramática francesa. Larousse Editorial, S.A, 2000.
(fr) Ludivine Glaud, Yves Loiseau, Elise Merlet: Grammaire essentielle du françáis. B1. Les Éditions Didier, 2015.

Datos: Q578167

[GRAMATICAFRANCESACATEDRA-1] 1,0 ^1,1 (es) Jesús Cantera y Eugenio de Vicente: Gramática francesa. Editorial Cátedra, S.A., 1999. p 157, p 266.

[LOZANOBELSETAN-2] 2,0 ^2,1 ^2,2 (es) Chabier Lozano Sierra, Ánchel Loís Saludas: Aspectos morfosintácticos del belsetán, 2005, Gara d'Edizions, pp 103-105.

[TELLALOZANO-3] 3,0 ^3,1 (es) Chabier Lozano Sierra: Aspectos Lingüisticos de Tella. Aragonés de Sobrarbe (Huesca). Gara d'Edizions - Prensas Universitarias de Zaragoza - Institución Fernando el Católico. 2010. pp 151-152.

[GRAMMAIREPROGRESSIVE-4] 4,0 ^4,1 (fr) Maïa Grégoire, Odile Thiévenaz: Grammaire progressive du français. Clé International, 2002. pp 156-157, p 216.

[LESBRUMESDELANTIC-5] (fr) Caroline Ellen: Les brumes de Lantic. Editor: Lulu.com, 2013, p 96, p 266

[1]

[2]

[3]

[4]

[5]