Exea d'Albarracín
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Exea d'Albarracín | |||
| Municipio d'Aragón | |||
| |||
 Anvista de la Ilesia de lo Carmen y de lo parque infantil. | |||
| Entidat • País • Provincia • Comarca |
Municipio Aragón.svg){kind=small} TeruelSierra d'Albarracín | ||
| Partiu chudicial | Teruel | ||
| Superficie | 57,45 km² | ||
| Población • Total |
452 hab. (2013) | ||
| Altaria • Meyana |
1031 m. | ||
| Distancia • 23 km |
enta Teruel | ||
| Alcalde | Manuel Alamán Ortiz | ||
| Codigo postal | 44110 | ||
| Parroquial • Diocesi • Arcipestrau • Parroquia |
Teruel y Albarracín Albarracín Sant Bernat abat | ||
| Coordenadas | |||
| Web oficial | |||
Exea d'Albarracín (Gea de Albarracín en castellano) ye un municipio de la provincia de Teruel, situau en la comarca de la Sierra d'Albarracín. La suya población ye de 410 habitants (2013), en una superficie de 57,45 km² con una densidat de 6,91 hab/km²
Toponimia
[editar | modificar o codigo]D'acuerdo con Antonio Ubieto Arteta s'escribió Exea entre 1609 y 1646 y Gea dende 1713 dica 1860, prenendo l'apelativo de Albarracín dende 1873[1]. L'analís de la documentación amuestra que l'uso ye muito mes antigo de l'apelativo, y que antes de 1609 ya se trobaba formas como Exea coexistindo con Xea y Ixea.
En lo Fogache de 1495 s'escribe un epigrafe Exea seguiu d'atro epigrafe moros de Xea.
En la versión de lo fuero de Teruel de lo sieglo XVI se replega un texto de 1461 de las Corz de Calatayú y s'escribe Exea de Albarracín.
En las Cronicas de los Chueces de Teruel s'escribe Xea y Xea d'Albarracín:
Encara en 1761 s'escribió un texto con lo títol Madres Capuchinas del Convento de Exea de Albarracin.
Tomás Lafuente Pérez interpreta este toponimo a partir de lo latín EXIRE y significaría "salida" referindo-se a una salida natural de la Sierra d'Albarracín[2].
L'uso de l'apelativo d'Albarracín encara que esporadico puet remontar-se a la baixa Edat Meya, en lo Fogache de 1405 ordenau en las Corz de Maella s'escribe Exea de Albaraci:
Cheografía
[editar | modificar o codigo]La localidat de Exea d'Albarracín ye situada chunto a lo cauz de lo río Guadalaviar auguas enta baixo de la zona de foces que ha escarbau salindo de la Sierra d'Albarracín. Lo glacis d'Exea d'Albarracín ye a piet d'esta sierra y baixa enta la depresión de Calatayú-Teruel, constituindo part d'un semontano.
Un sector que bi ha a lo sud de lo termin municipal d'Exea d'Albarracín ye Sierra Carbonera, segmento de la Sierra d'Albarracín con materials paleozoicos y que contina en lo termin municipal de Bezas.
Lo sinclinorio churasico d'Exea d'Albarracín-Alustante desparte los anticlinals d'Aragoncillo-Sierra Menera a lo nord-este y Santa María del Espino-Sierra Carbonera a lo sudueste[3]
Mugas
[editar | modificar o codigo]Lo suyo termin municipal muga con Bezas, Albarracín, Cella, y con una manga de lo termin d'Albarracín correspondient a Las Casiellas de Bezas.
Historia
[editar | modificar o codigo]En 1166, Alifonso II lo Casto cedió a Calvet de Biel tierras y dreitos en la comarca d'Albarracín pa pagar-li l'aduya en una futura conquiesta d'Albarracín que no se produció. Exea ye entre las tierras que li da.
En 1284 lo rei Pero III d'Aragón conquirió la sinyoría d'Albarracín y cedió lo lugar d'Exea a lo noble castellano Diego López de Haro, enemigo cerrino de lo sinyor d'Albarracín Juan Núñez de Lara. La localidat mantenió la categoría de "lugar" por lo menos dica 1306[1], y cambió de mans unas cuantas vegadas.
Lo 24 de mayo de 1428 lo rei Alifonso V d'Aragón dió la villa d'Exea a Chuan Ferrández d'Heredia[1].
Entre 1446 y 1495 perteneixeba a la sobrecullida de Teruel[1]. Lo fogache de 1495 indica que bi heba 7 fuegos de cristianos y 94 fuegos de moros de Xea[4].
Lo 20 d'agosto de 1610 fuoron forachitaus d'Exea d'Albarracín 2260 moriscos. Lo vuido poblacional lo plenoron nuevos pobladors cristianos navarros, castellanos, valencianos, catalans y andaluces.
En 1646 perteneixeba a la vereda de Mont Albán. Entre 1711 y 1833 perteneixió a lo correchimiento d'Albarracín[1].
Demografía
[editar | modificar o codigo]
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| 1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE. | ||||||||||||||||||
Administración
[editar | modificar o codigo]Reparto de concellers
[editar | modificar o codigo]| Partiu | 1979 | 1983 | 1987 | 1991 | 1995 | 1999 | 2003 | 2007 | 2011 |
| Partido de los Socialistas de Aragón | 3 | ||||||||
| Partido Aragonés | 3 | ||||||||
| Partido Popular | 1 | ||||||||
| Total | 7 | ||||||||
Alcaldes
[editar | modificar o codigo]| Lechislatura | Nombre | Partiu politico |
|---|---|---|
| 1979–1983 | León Sáez Pascual | Unión de Centro Democrático |
| 1983–1987 | Leoncio Pérez Ramos | AP |
| 1987–1991 | Leoncio Pérez Ramos | AP |
| 1991–1995 | Francisco Meléndez Malo | Partido Aragonés |
| 1995–1999 | Francisco Meléndez Malo | Partido Aragonés |
| 1999–2003 | Francisco Meléndez Malo | Partido Aragonés |
| 2003–2007 | Francisco Meléndez Malo | Partido Aragonés |
| 2007–2011 | Antonio Navarro Marimón | PSOE |
| 2011–2015 | Manuel Alamán Ortiz | Partido Aragonés |
| 2015–2019 | Manuel Alamán Ortiz | Partido Aragonés |
| 2019–2023 | Santiago Rodríguez Gracia | PSOE |
| 2023–2027 | Santiago Rodriguez Gracia [5] | PSOE |
Puestos d'intrés
[editar | modificar o codigo]- Ilesia de lo Carmen (sieglo XVIII).
- Acueducto romano.
- Convento d'os Carmelitas (sieglo XVII).
- Convento d'as Capuchinas (sieglo XVII).
- Casa Gran (u casa d'os Reis d'Aragón).
- Ermita de Sant Roc (sieglo XVIII).
- Ermita de Sant Antón (sieglo XVII).
Fiestas
[editar | modificar o codigo]- Sant Isidro Labrador, 15 de mayo.
- San Bernal (patronals), 20-24 d'agosto.
Liendas
[editar | modificar o codigo]- Lienda d'o palacio subterranio.
Referencias
[editar | modificar o codigo]- ↑ 1,0 1,1 1,2 1,3 1,4 (es) Antonio Ubieto Arteta: Historia de Aragón. Los Pueblos y los despoblados, II. Anubar ediciones, 1986. p 593.
- ↑ (es) Tomás Lafuente Pérez: Toponimia en la comunidad de Albarracín. Revista Teruel, 49-50, 1973. p 210
- ↑ (es) Instituto Geológico y Minero de España: Libro Jubilar J.M.Rios. Geología de España Tomo I. Instituto Geológico y Minero de España, 1983. pp 516-520.
- ↑ (es) Antonio Serrano Montalvo: La población de Aragón según el fogaje de 1495 Volumen 1. Institución Fernando el Católico, 1995
- ↑ (es) Consulta el listado de alcaldes que han sido proclamados en Aragón en Heraldo de Aragón.
| Albarracín | Bezas | Bronchales | Calomart | Chabaloyas | Exea d'Albarracín | Fridas d'Albarracín | Griegos | Guadalaviar | Monterd d'Albarracín | Moscardón | Noguera d'Albarracín | Oriuela | Pozondón | Rodenas | Royuela | Rubiales | Saldón | Terrient | Toril y Masegoso | Torres d'Albarracín | Tramacastiella | Val de Cuenca | Val Longuiello | Villar d'el Cobo | |
