Bursau

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Bursau
Ciudat celtibera
Entidat
 • País
Ciudat
Celtiberia
Coordenadas 41°50’ 4’’N 1°32’34’’U
Habitants Celtibers
Pueblo Lusons
Actual Borcha
Dende Edat de Fierro

Bursau (en escritura iberica ) ye una antiga ciudat celtibera y conchunto arqueolochico de ocupa os cabezos de "El Castillo", "La Corona", "La Cueva Esquilar" y zonas amanadas a o casco urbán, en l'actual termín municipal de Borcha (Aragón).[1][2]

As diferents escavacions en os ditos cabezos han trobau restas d'estructuras arquitectonicas correspondients a diferents epocas. Se tracta d'una ciudat que tendría o suyo orichen en o cerro de "La Cueva Esquilar", con un asentamiento de tipo campos d'urnas d'a Edat de Fierro. L'arribada d'o mundo celtiberico supondría a enamplación d'o primitivo asentamiento, estendillando-se mesmo por os vecins cabezos de "La Corona" y, a partir d'o siglo II-I aC, por as zonas denominadas como "Torre del Pedernal" y "Polígono de la Romería", en os arredols.

Son muit intresants os resultaus obtenius en a dita "Torre del Pedernal", ya que en ista zona s'han trobau restas urbans con una adscripción cultural celtiberico-romana, correspondients a diferents casas con os suyos hortus, entre as que destaca una domus romana con paretz de mampostería, piedra picata y tapia. En una d'as suyas cambras se conserva un mosaico y, amás, un rico conchunto de pinturas murals, conservadas tanto in situ como cayidas. Igualment s'han obteniu a-saber-las restas de ceramicas ibericas, obchectos metalicos en bronce y fierro, y, d'epoca romana, un important conchunto de ceramicas de terra sigillata hispanica y ceramica norteafricana.

Todas as escavacions arqueolochicas practicadas dica a calendata en iste chacimiento vienen a confirmar a importancia historica d'ista ciudat, con una secuencia estratigrafica muit important, que aporta materials y restas monumentals que sacan a la luz un gran conchunto arqueolochico.

Referencias[editar | modificar o codigo]

  1. (es) Fotografía de los restos de Bursau
  2. Iste texto incorpora datos obtenidos d'o Decreto 261/2001, de 23 d'octubre, d'o Gubierno d'Aragón, por o que se declara Bien d'Intrés Cultural en a categoría de Conchunto d'Intrés Cultural, Zona Arqueolochica, o Chacimiento de Bursau.