Aragonés aragüesino

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Aragonés d'a Val d'Aragüés
Variedat de l'aragonés
Localización cheografica
Territorios	Val d'Aragüés
Lugar(s) principal(s)	Aragüés de lo Puerto y Chasa
Sociolochía
Vitalidat	Baixa
Literatura
Rasgos dialectals	Aragonés occidental

L'aragonés d'a Val d'Aragués ye a parla local aragonesa que se charra en Aragüés y Chasa. Aragüés de lo Puerto figura en l'ALEANR con as siglas Hu 104.

Ye pareixiu a o cheso, y millor conservau que l'aragonés vecín d'Aísa, Esposa y Sinués. En sentiu amplo se puet considerar una variant local u colateral d'o cheso, y de feito a denominación tradicional de cheso incluyiba la parla d'Aragüés de lo Puerto.

Morfolochía

• O sistema d'articlos definius ye lo, la, los, las como en cheso.
• En o chenero gramatical se documenta formas analochicas como verda, proba y diabla como feminins de verde, probe y diablo. A forma verda se documenta tamién en o Fuero Cheneral de Navarra, pero no ye guaire común ni en aragonés medieval ni en as atras parlas altoaragonesas.
• O pasau perfecto simple tiene desinencias con -o como en tensino: pagomos, ("paguemos"), cantoz, (cantez),. En a tercera persona plural ye en -oron nomás que en a 1ª conchugación: cantoron, pero en a 2ª y 3ª personas coexisten a forma chesa -ieron con a cheneral -io(ro)n: salieron, partioron, riyeron, favoreción.
• En os verbos irregulars con -i en a primera persona present, trobamos esta -i en yo foi, pero no en yo vó.
• Existen, como en Sobrarbe "perfectos fuertes": fízon, trújon.
• Jean-Joseph Saroïhandy documentó l'uso d'o verbo ser como verbo auxiliar de verbos intransitivos.

Lexico

• Son palabras diferents a las d'Aísa, Esposa y Sinués, (Val d'Estarrún)
  • Tachubo, charga, (barza en a val d'Estarrún), argüella, vetiello.

Vinclos externos

Iste articlo ye un borrador. Enamplando-lo aduyarás a amillorar a Biquipedia.