Alfacharín

Alfacharín
Municipio d'Aragón
Anvista d'Alfacharín dende o suyo castiello.
Entidat  • País  • Provincia  • Comarca	Municipio  Aragón  Zaragoza Comarca Central
Partiu chudicial	Zaragoza
Mancomunidat	Central
Superficie	137,57 km²
Población  • Total	2434 hab. (2013)
Altaria  • Meyana	199 m.
Distancia  • 17 km	enta Zaragoza
Alcalde	Francisco Verge Salvado
Codigo postal	50172
Coordenadas	41°36’49’’N 0°42’13’’U
Alfacharín Alfacharín en Aragón
Web oficial

Alfacharín (Alfajarín en castellano y oficialment) ye una villa y municipio aragonés d'a provincia de Zaragoza, situata en a Comarca Central. Fa parte d'o partito chudicial de Zaragoza.

A suya población ye de 2.298 habitants (2012), en una superficie de 137,57 km², con una densidat de población de 16,70 hab/km².

Historia

Encara que o castiello andalusí d'Alfacharín fuese reconquiesto por o rei Alifonso I o Batallero, se tornó a perder dimpués d'a batalla de Fraga. En 1131 os cristians ya prenioron Alfacharín pa cutio. En 1293 o rei Chaime I creyó a baronía d'Alfacharín con os lugars d'Alfacharín, Candasniellos, Farlet y Nuez d'Ebro, que fue entregata a Pero Cornel III. Alfacharín en os sieglos XIII y XIV, mientres perteneixió a la Casa de Cornel, fue fortificato.

Cheografía

A villa d'Alfacharín ye situata a 199 metros d'altaria sobre o livel d'a mar, a una distancia de 17 km d'a ciudat de Zaragoza, a capital d'a suya comarca, d'o suyo partito chudicial, d'a suya provincia y d'Aragón.

En o termin d'Alfacharín trobamos o despoblato de Candasniellos.

Toponimia

O suyo nombre ye d'orichen arabe, y en os textos medievals apareixe, como ye normal, con diferents variants graficas: Alfaiarin, Alfaiarino, Alfagerin, Alfagarin, Alfagarino, Alhagerin, Alhagerim.

Sobre o suyo significato en arabe tenemos tres explicacions:

• Dende l'arabe المحجر Al-Hacharïn ("los que treballan en una pedrera").
• Dende l'arabe Al-Hayyarayn ("as dos penyas").
• Dende l'arabe Al-faikhar (os "alfarers").

A zaguera hipotesi encara que siga la més conoixita ye menos probable que atras porque o fonema arabe representato por a letra kha s'adaptó ta l'aragonés como g ("garrofera"), estando a primera hipotesi més acertata porque a chim amaneix como ch en os arabismos presos por l'aragonés.

Lo trobamos escrito Alfaiarin en lo testamento de Tomás Cornel, un texto de 1353 en luenga aragonesa:

En el nopne de Dios e de su gracia. Sepan todos, que nós, don Thomás Cornel, sennor de Alfaiarin, puesto en gran flaqueza e enfermedat, emperò bendito Dios en nuestro buen sesso e buena memoria e palaura manifiesta porque nenguno en carne puesto, a la muert corporal escapar non puede, e más cierta cosa non sia, que és la muert

En o fogache de 1495 s'escribiba Alfajarin. En a documentación medieval d'a cort de chusticia d'a Casa de Ganaders de Zaragoza s'escribe Alfajarín y Alfacharín, correspondendo con un tiempo que a scripta medieval aragonesa se descomponeba y preneba a ortografía castellana, con a ch pa representar l'africata.

venian Johan Espanyol e Pedro de la Cadena camino de Alfacharín enta la ciudat de Çaragoça

conpareció don Pedro de Alfacharín, ganadero de aquesta ciudat

Bi ha microtoponimos en aragonés como Cados, La Portaza (l'arco d'entrata d'a muralla medieval), Cueva de las Grallas. Bi ha tamién un toponimo muito interesant, Brazal del Marchuel, que vien de l'arabe "March", "prato", preso por l'aragonés como "Almarchal", con un sufixo romanz, y que amuestra un caso de -ch- en romance actual que vien d'o fonema africato que se representa con chim en arabe.

Demografía

Evolución demografica

1362 f 1495 f 1842 1857 1860 1877 1887 1897 1900 - - 582 1.018 1.051 916 974 1.057 978

1910 1920 1930 1940 1950 1960 1970 1981 1991 1.240 1.348 1.325 1.282 1.221 1.168 1.171 1.283 1.546

1992 1994 1996 1997 1998 1999 2000 2001 2002 - - 1.450 - 1.460 1.478 1.495 1.538 1.591

2003 2004 2005 2006 2007 2008 2009 2010 2011 1.611 1.742 1.816 1.879 1.963 1.963 2.032 2.168 2.215

2012 2013 2014 2015 2016 2017 2018 2019 2020 2.259 - - - 2.298 - - - -

2021 2022 2023 2024 2025 2026 2027 2028 - - - - - - - - - -

1717-1981: población de feito; 1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011	2015	2019
Partido Aragonés	-	6	7	6	7	4	5	5	4	5	5
Partido de los Socialistas de Aragón	-	3	2	3	-	1	2	3	2	2	4
Ganar Alfacharín	-	-	-	-	-	-	-	-	-	2	1
Partido Popular	-	-	-	0	2	2	1	1	2	2	1
Chunta Aragonesista	-	-	-	-	-	-	-	0	3	-	-
Izquierda Unida	-	-	-	-	-	2	1	0	-	-	-
Unión de Centro Democrático	4	-	-	-	-	-	-	-	-	-	-
Independients	2	-	-	-	-	-	-	-	-	-	-
Total	6	9	9	9	9	9	9	9	11	11	11

Alcaldes

Lista d'alcaldes

Lechislatura	Nombre	Partito politico
1979–1983	Jesús Pallás Luño	UAP
1983–1987	Ángel Córdova Andrés	Partido Aragonés
1987–1991	Ángel Córdova Andrés	Partido Aragonés
1991–1995	Ángel Córdova Andrés	Partido Aragonés
1995–1999	Ángel Córdova Andrés	Partido Aragonés
1999–2003	Jesús Jaria Gilaberte	Partido Aragonés
2003–2007	Santos Miguel Moliner	Partido Aragonés
2007–2011	Francisco Vergé Salvadó	Partido Aragonés
2011–2015	Francisco Vergé Salvadó	Partido Aragonés
2015–2017	Inmaculada Abadía	Partido Popular
2017–2019	Jesús Vicén	Partido de los Socialistas de Aragón

Molimentos

A ilesia de Sant Miguel Arcánchel d'Alfacharín.

• Castiello d'Alfacharín.
• La Portaza:, l'arco d'entrata d'a muralla, d'o sieglo XIV.
• Ilesia parroquial d'Alfacharín, adedicata a Sant Miguel Arcánchel, una ilesia que ye l'antiga mezquita d'o sieglo XII d'a localidat, encara que a suya torre ye de 1486. L'edificio ye protechito legalment dende o 21 de noviembre de 2001 con a suya declaración como Bien d'Intrés Cultural.

Localidatz achirmanatas

• Idron (Pireneus Atlanticos, Occitania).

Vinclos externos

• Se veigan as imachens de Commons sobre Alfacharín.
• (es) Alfajarin.org.
• (es) Mancomunidad Ribera Izquierda del Ebro.