Arco (arquitectura)

Iste articlo ye sobre l'elemento arquitectonico. Ta atros emplegos se veiga arco.

Arco d'un puent, Corcega.

Un arco (d'o latín arcus) ye un elemento constructivo linial de forma curvata, que premite cubrir o espacio vuedo entre dos pilars u muros. Se composa de piezas dita dovelas, y puet adoptar formas curvas mui diferents.

También se diz asinas a las estructuras construitas actualment con forma arqueyata, encara que sían d'una sola pieza, y que, en os suyos refirmes, funcionan d'a mesma traza que os construitos con dovelas.

Una vuelta se chenera por a suma d'arcos iguals, situatos ta obtener un elemento constructivo "superficial"; si os arcos son de meyo punto a superficie será semicelindrica.

Una cupula se fa por meyo d'a unión d'arcos iguals que se refirman en una cercunferencia; si os arcos son de meyo punto a superficie será semiesferica.

En un puent con uns quantos arcos o espacio baixo un arco por on pasa l'augua se diz "uello".

En toponimia un "arco" se refiere a sobén a antigos gallipuents.