Sus scrofa domesticus
De Biquipedia
 |
Iste articlo tien una bersión escrita con una grafía alternatiba esperimental propuesta por bels biquipedistas á dintro d'o Biquiproyeuto:Grafía. Puede beyer-se aquí. |
- Iste articlo ye sobre un animal mamifero domestico. T'a localidat sebillana se beiga Tocina (Sebilla).
| Tozín | ||||||||||||||||||
|---|---|---|---|---|---|---|---|---|---|---|---|---|---|---|---|---|---|---|
 Sus scrofa domesticus, o tozín domestico |
||||||||||||||||||
| Estato de conserbazión | ||||||||||||||||||
|
||||||||||||||||||
| Clasificazión zentifica | ||||||||||||||||||
|
||||||||||||||||||
| Nomenclatura binomial | ||||||||||||||||||
| Sus scrofa | ||||||||||||||||||
| Linnaeus, 1758 |
O cochín, tozín(o), latón u cuto (Sus scrofa domesticus (L., 1758)) ye un mamifero domestico d'a familia d'es suidos. Emplegato de siempre en a industria carnica, ye un animal muito abundant. D'antis més, bi n'eba per un regular en cada casa.
Biolochicament ye a bariedat domestica d'o chabalín, e chunto con ixe forma a especie Sus scrofa. Altros autors prefieren de conserbar a denominazión Sus scrofa només que ta o chabalín, e a lo tozín domestico le dizen Sus domesticus. Biolochicament, es tozins e chabalins pueden ibridar-se sin de problemas e as fembras libran latonez rayadez que gosan estar fertils en a suya edat adulta. Per ixo, dende o punto de bista chenetico, diz que son a mesma espezie.
A sozespecie estió domesticada abe bels 5000 años, e autualment s'ha destribuyito per tot o mundo. En bels paises á on que no bi yera autoctono, o tozín s'ha tornato en salbache en es monts (p. ex. Nueba Zelanda), estando per a suya borazidat una gran menaza ta es ecosistemas).
As crías que encara tetan se dizen gorrins, latons de leit u latonez. Se dize fraixenco á un cochín choben de menos d'un año, añal cuan ya tiene un año, y tresañau cuan en tiene dos. Es masclos adultos sin capar (sementals) se dizen barracos, marracos, berranos u berros y cuan son ta engordar, marranchos. En o tiempo d'o zelo, se diz que a latona ye berronda u berridera (u que tiene berriduras) y alabez se clama tamién fraixenca.
A chestazión d'as fembras dura 3 meses, 3 semanas e 3 diyas. L'alimentazión ye de tot omnibora, per contra d'altros artiodactilos domesticos, e no son remugadors; ye dezir que tienen un estomago anatomicament unicameral, e no pas como en es remugadors.
Per un regular, as fembras libran de 5 enta 12 gorrins, que tetan dica os 60 diyas d'edat. Mudernament, en as granchas de cría en esbezan a més gran parti en o diya bentenoprimero, anque en bels casos, cuan a infraestrutura lo permite, o esbezo se fa á redol d'o dezeno diya d'edat. A produzión de tozins en a Unión Europeya ye, per un regular, estabularia, e es tozins medran ficatos en zolles, belas begatas coleutibas, altras endibiduals (anque angostas), á on gosa aber-ie cuantos zentenars endibiduos per grancha. D'iste feito se'n deriban asabelos problemas ecolochicos per a elebada concentrazión que es fiemos (purins) d'istos animals pueden alcanzar en rechions con masiadas esplotazions.
