Leit

Un vaso de leit de vaca.

A leit (pron. /lei/~/ʎei/) u let (pron. /let/~/ʎet/) ye a secreción d'as glandulas mamarias d'as fembras d'os mamifers. Tien una color que va dende o blanco dica l'amarillenco.

Ye especialment adaptata a las necesidatz alimentarias d'os natons, y a sobén en ye o solo alimento alimento. Seguntes a especie a lactancia materna puet durar dende semanas dica anyos.

Os sers humans son os solos mamifers que bebemos a leit d'atras especies (uella, vaca, craba, etc), fueras de bells animals domesticos (can, mixín) que'n han ito alquirindo os mesmos habitos.

Os humans tamién son os solos animals que'n consumen en a edat adulta. Iste feito ye una adaptación chenetica relativament muderna prevocata por o descubrimiento d'a ganadería, y bi ha diversos grupos humans (y presonas individuals) que encara no han feito ista adaptación y tienen intolerancia a la lactosa.

A leit ye una materia prima con que se pueden fer muitos d'atros productos alimentarios, como manteca, queso, yogurt, nata, cuallata, etc.

Se veiga tamién

• Leit de soya

Vinclos externos

• Se veigan as imáchens de Commons sobre a leit.
• (en) O calcio y a leit.