Suecos

De Biquipedia
Ir ta: navego, busca
Suecos
Flag of Sweden.svg
12-swedes-version3.jpg
Bridget of SwedenAnders CelsiusCarl LinnaeusAlfred Nobel
Selma LagerlöfDag HammarskjöldGreta GarboAstrid Lindgren
Ingmar BergmanBjörn UlvaeusCarl SandburgAnnika Sörenstam
Rechions con comunidatz importants
Flag of Sweden.svg Suecia
Flag of Finland.svg Finlandia
Flag of the United States.svg Estatos Unitos
Flag of Canada.svg Canadá
Idiomas
idioma sueco
Relichión
luteranismo
Pueblos relacionatos
daneses, noruegos, feroeses, islandeses, shetlandeses, varegos rus'

Los suecos son los habitants nativos de Suecia, trobando-sen establitos en la part suroccidental de Finlandia dende fa sieglos. Parlan una luenga escandinava propia, lo sueco y son cristians luterans.

Relichión[editar | editar código]

En la segunda mitat de lo sieglo XI una dinastía encomenzó a imposar lo cristianismo, y en l'anyo 1164 fue fundau l'arcebispato d'Upsala. La relichión politeísta escandinava de los suecos resistió dica lo sieglo XIII[1], esdevenindo cristians catolicos como atros pueblos europeus medievals. Los suecos cristianizoron Finlandia d'alcuerdo con lo catolicismo. En lo folklore sueco quedoron elementos pagans.

Sieglos mes tarde la dinastía Vasa s'identificó con lo cristianismo luterán. En l'anyo 1527 la dieta sueca optó por lo luteranismo. Lo rei Chuan III fue succedito por Sechismundo de Polonia, en l'anyo 1592 y querió tornar a lo catolicismo, pero no estió posible por la revuelta protestant de Carlos Vasa.

Historia[editar | editar código]

La historia de los suecos dica lo sieglo XIII ye escura. En lo periodo vikingo los suecos comerciaban con los bizantins y los arabes a traviés de rutas fluvials d'Europa Oriental y yeran conoixius como varegos. En lo sieglo XI encomenzó la cristianización.

En lo sieglo XIII tenioron relacions con los comerciants de la Hansa de Visby y establioron la suya capital en Estocolmo. En tiempos de lo rei Erik los suecos facioron una "cruzada contra los fineses" influitos por la Santa Seu, que d'esta traza evitaba que los fineses fuesen convertius a lo cristianismo por los eslavos orientals ortodoxos de Novgorod. La conquiesta de Finlandia duro dende 1249 dica 1323.

En l'anyo 1397 ye coronau en Kalmar Erik de Pomerania como rei de Suecia, Noruega y Dinamarca por una asambleya d'aristocratas suecos, noruegos y daneses. Ye una unión presonal baixo lo mesmo monarca con una mesma politica exterior y defensa. Mientres lo tiempo que duró esta unión los suecos yeran gobernaus por rechents con intreses diferents con respecto a la monarquía común. En l'anyo 1520 lo rei Cristian II fació una mortalera d'opositors suecos ("mortalera d'Estocolmo") y esclara una revuelta en Dalecarlia dirichita por Gustavo Vasa. Los sublevaus son refirmaus por los alemans de la ciudat hanseatica de Lübeck y forachitan a los daneses rematando con la unión.

En l'anyo 1523 ye esleito rei de Suecia Gustavo Vasa, que consigue que la monarquía siga hereditaria. Carlos Vasa fa de lo luteranismo relichión oficial dimpués de la revuelta protestant dirichita por ell mesmo y ye nombrau rei en l'anyo 1604.

Suecia estió una superpotencia entre 1611 y 1721, quan dominoron la ribera baltica, fendo guerras contra Polonia, Dinamarca y dimpués lo Imperio Ruso, que li prenió la hechemonía.

Referencias[editar | editar código]

  1. Amiram Gonen. Diccionario de los pueblos del mundo Editorial Anaya.

Bibliografía[editar | editar código]