Estocolmo

De Biquipedia
Ir ta: navego, busca
Estocolmo
Stockholm
Localidat de Suecia
Escudo d'armas
Anvista d'Estocolmo en a nuei
Anvista d'Estocolmo en a nuei.
Estato
 • Provincia
 • Condato
Flag of Sweden.svg Suecia
Södermanland
Estocolmo
Superficie 188 km²
Población
 • Total

802.611 hab. (2008)
Estocolmo en Suecia
www.Stockholm.se

Estocolmo (en sueco y oficialment Stockholm, ) ye una ciudat de Suecia que ye a capital d'o país, amás d'estar a ciudat con mayor numero d'habitants de Suecia. Ye un municipio d'a provincia de Södermanland, uno d'os 290 municipios de Suecia, encara que coloquialment ta muitos Estocolmo comprén tot o suyo condato, o condato d'Estocolmo, con arredol de 2.000.000 habitants.

A suya población ye de 802.611 habitants (2008), en una superficie de 188 km², con una densidat de población de 4.269,21 hab/km².

A ciudat ye situata a cantos d'a mar Baltica, y ye formata en parti por quantas islas en o laco Mälar (por ixo ye clamata a vegatas a Venecia d'o norte).

Dende 1988 a ciudat ye dividita en 18 districtos.

Fa parte d'a Organización d'as Ciudatz d'o Patrimonio d'a Humanidat.

Cheografía[editar | editar código]

Un mapa d'Estocolmo en 1910, a on son vesibles as islas que fan parte d'a ciudat.

Situación[editar | editar código]

A ciudat d'Estocolmo ye situata a l'este de Suecia, en a costa d'a mar Baltica. Encara que alazetalment a ciudat d'Estocolmo fue establita en a isla de Gamla Stan, entre o laco Mälaren y a mar Baltica, dimpués a ciudat creixió ta o norte (islas de Norrmalm y d'Östermalm) y ta o sur (isla de Södermalm), dica estendillar-se hue por un total de 14 islas, fendo asinas de l'augua un elemento de muita impotancia en a vida d'a ciudat. Por ixo, a ciudat d'Estocolmo tien 53 puents, ta facilitar as comunicacions entre as islas que forman a ciudat.

Amás, arredol d'a ciudat bi ha un archipielago de milers de chicotas islas en o laco Mälaren, estando uno d'os lugars d'ocio d'os habitants d'a ciudat.

Climatolochía[editar | editar código]

Estocolmo, encara que ye a o canto d'a mar, tien un clima de tipo clima continental, por estar en una latitut muit septentrional y por estar tamién luent de l'Ocián Atlantico, que poderba moderar as influencias climatolochicas continentals.

As estacions son muit marcatas, con hibiernos fridos y verans suaves u mesmo calorosos, en parti por os cambeyos en a duración d'o día entre o solsticio de verán (más de 18 horas de luz solar) y o solsticio d'hibierno (con nomás 6 horas). Bi ha 1.800 oras de sol/anyada. Os records de temperatura rechistratos son de 38 °C de temperatura maxima y -32 °C de temperatura minima.

Localidatz achirmanatas[editar | editar código]

Vinclos externos[editar | editar código]