Río Xúcar

De Biquipedia
Ir ta: navego, busca
Xúcar
o río Xúcar 2 km enantes d'arribar en Millars
Administración
Estatos {{{estatos}}}
Territorios Bandera Castilla-La Mancha.svg Castiella-La Mancha
Flag of the Land of Valencia (official).svgPaís Valencián
Cheografía
Longaria 497,50 km
Altaria d'o naixedero 1.700 m
Naixedero Ojuelos de Valdeminguete
Desembocadura mar Mediterrania
Superficie d'a cuenca {{{cuenca}}} km²
Cabal meyano {{{cabal}}} m³/s
{{{mapa}}}

O Xúcar (en castellán Júcar, en catalán, Xúquer) ye un río de l'este d'a Peninsula Iberica. Tien una longaria de 497,5 km, trescruza as provincias de Cuenca, Albacet y Valencia, y desemboca en la mar Mediterrania. Naxe a 1.700 msnm, en a versant meridional d'o cerro de San Felipe (Sierra de Tragacet) y a man tamién d'o naixedero d'o río Cuervo (cuenca d'o Tacho), d'o Guadalaviar y d'o mesmo Tacho, en o Sistema Iberico.

Curso alto[editar | editar código]

Río Xúcar dende El Ventano del Diablo (provincia de Cuenca).

En o suyo curso alto, o río Xúcar recorre a Serranía de Cuenca con una dirección norte-sud en una zona de precipitacions meyas superiors a los 800 mm añals por o que plega a tener un cabal absoluto en Cuenca de 11,25 /s y un relativo de 11,43 l/s/km²;.

Río Xúcar pasando por Cuenca.

En esta part d'o suyo curso bi ha modelato karstico, con torcas, dolinas y lenars, destacando os tormos d'a Ciudad Encantada. L'acción d'o Xúcar chenera formas fluvio-karsticas, foces, d'o Xúcar y os suyos afluents como a Foz del Huécar, on se troban as famosas Casas colgadas.

Curso meyo[editar | editar código]

En a Manchuela o Xúcar fa un arco d'uns 90 graus y s'adreza enta l'este, como resultato d'un antigo fenomeno de captura fluvial, y en ixe tramo bi ha muitos recolons como a Foz del Xúcar, con cillos d'uns 150 metros d'altaria entre Exorquera y Alcalá del Xúcar, ubiertos en una especie de relieve un poquet plegato que forma orichinalment a divisoria d'auguas entre a versant atlantica y la mediterrania.

Curso baixo[editar | editar código]

Concurso rechional de pesca (sin matar) en Fortaleny, en la marguin dreita d'o río Xúcar.

Dimpués de trescruzar a zona montanyosa d'o Caroch y salir d'o entibo de Tous, plega a tener o suyo cabal maximo en Sumacàrcer, con 49,22 m³/s y 2,75 l/s/k²; n'este punto, concretament en a Masía de Mompó (o tradicional puesto d'aforo), o Xúcar s'ubre en a planata dimpués d'aber pasato por as foces on ye o entibo de Tous, d'astí enta debant os suyos libels baixan porque quitan augua pa os reganos d'as riberas alta y baixa.

Bombeyo de l'augua d'o Xúcar pa regar os arrozals de Sueca.

Os zaguers tramos d'o curso entallato entre montanyas facilitan a alimentación sotorrana de bells manantials artesians (ojos del río Verde, manantials de l'antiga canal de la Reva) que bi ha en a Ribera. Tamién o Canal Xúcar - Turia sale artificialment en forma sotorrana dende o entibo de Tous pa aflorar a un km a lo norte d'a nueva población de Tous, dende on s'adreza ta o noreste, pa regar buena part d'a Ribera Alta y d'a Huerta Sud de Valencia.

Esta zona ye a suya plana aluvial, con grant importancia economica, a causa de l'agricultura, estando a zona més densament poblata d'o curso suyo. A plana ye formata por lo que trai o mesmo Xúcar y los afluents suyos Magre y Albaida. O río tien un recorrito sinuoso con meandros y ye en cotas més alteras que as tierras dezaga d'as marguins. Ye on se troba l'Albufera de Valencia y bells almarchals.

Vinclos externos[editar | editar código]