Desembocadura

De Biquipedia
Ir ta: navego, busca
A desembocadura d'o río Ebro, que forma o dito delta de l'Ebro, en un anvista dende satelite.

A desembocadura ye o nombre con o que se conoix en Cheografía a la parti mas baixa d'o recorrito d'un río, en o momento en que as suyas auguas cayen enta un atro río, un laco u una mar u ocián. Si o río desaugua en un atro río, se le denomina río afluyent u tributario d'o segundo río.

Si a desembocadura se produz en un laco, mar u ocián se forma un estuario, un delta u bien una ría. No gosan de formar-se deltas si un río desemboca en un atro río en arrastrar o río receptor os sedimentos que haberban de formar o delta.

Antiparte, as desembocaduras d'os ríos gosan estar lugars de gran diversidat biolochica, en estar puestos a on s'achuntan auguas con sedimentos nutritivos que aporta o río con lugars d'auguas mas calmas. Antiparte, de desembocar en puestos d'augua salada, l'augua dulza que transporta o río i forma mezclallos d'un amplo ran de diversidat de salobridat.