Cuenca
| Cuenca | |||
|---|---|---|---|
| Municipio de Castiella-La Mancha | |||
|
|||
 |
|||
| Entidat • Estato • Comunidat • Provincia • Comarca |
Municipio Espanya Castiella-La ManchaCuenca Serranía Meya-Campichuelo |
||
| Superficie | 954,2 km² | ||
| Población • Total |
54,600 hab. (2008) |
||
| Altaria | 946 m. | ||
| Distancia • 163 km |
enta Madrid |
||
| Codigo postal | 16000 | ||
 |
|||
Cuenca ye una ciudat castellanomanchega, capital d'a provincia de Cuenca.
A suya población ye de 54.600 habitants (2008), en una superficie de 954,2 km² y una densidat de población de 57,22 hab/km².
Fa parte d'a Organización d'as Ciudatz d'o Patrimonio d'a Humanidat.
Cheografía [editar]
Ye en o forcallo d'o río Xúcar con o suyo afluyent o Huécar. Estos dos ríos fan foces fluvio-karsticas, y en o cabalto d'os cinglos de calsinera plegoron a construir unas casas que huei son una conoixita atracción turistica, as Casas colgantes de Cuenca. En o termin de Cuenca, muit extenso, bi ha pedanías como Colliga, Embit, La Melgosa, Mohorte, Nohales, Tondos, Valdecabras y Villanueva de los Escuderos.
Historia [editar]
Cuenca ya ye mencionata en tiempos d'os musulmans. Cuenca fue reconquiesta por Castiella en o reinato d'Alifonso VIII. Pa conquerir Cuenca o rei de Castiella comvocó a las chents d'Almoguera, Ávila, Atienza, Segovia, Molina d'Aragón, Zamora, La Transierra, a lo sinyor d'Albarrazín Pero Ruíz d'Azagra, a lo conte Nuño Pérez de Lara, a Pero Gutiérrez, Alvar Fáñez, Tello Pérez, Nuño Sánches, a lo rei Ferrando II de Leyón, a lo rei Alifonso II d'Aragón lo Casto, y a las ordens melitars de Sant Chaime, Calatrava y Montegaudio. Se fació cerco a la ciudat o día d'epifanía d'o sinyor de 1177. L'alcait Abu Beca demandó aduya a Yacub Yusuf, pero se trobaba en Africa y no podió aduyar-lo. O 27 de chulio os cuencans fan una incursión pa atacar o campamento cristián prebando de matar a lo rei y desconchuntar a ofensiva cristiana. Matan a lo conte Nuño Pérez de Lara pero no a lo rei. En setiembre os cuencans se veyen obligatos a rendir-sen y a entregar a ciudat. O exercito cristián prene l'alcazaba y lo castiello, y Alifonso VIII y lo suyo sequito entran en octubre. Como recompensa a l'aduya amprata por Alifonso II lo Casto, Alifonso VIII de Castiella renunció a los suyos dreitos sobre o Regnum Caesaragustanum. Alifonso X lo sabio concedió a Cuenca lo títol de ciudat.
Vinclos externos [editar]
