Río Cabriuel
| Cabriuel | |
|---|---|
 |
|
|
|
|
| Estatos | {{{estatos}}} |
| Territorios |  Teruel Cuenca |
|
|
|
| Longaria | 220 km |
| Altaria d'o naixedero | m |
| Naixedero | Val Longuiello y Val de Cabriuel |
| Desembocadura | río Xúcar |
|
|
|
| Superficie d'a cuenca | 4.754,2 km² |
| Cabal meyano | 20.92 m³/s |
| {{{mapa}}} | |
O río Cabriuel (prenunciato /ka.bri.'wel/, en castellán Cabriel) ye un río d'a peninsula Iberica, afluent d'o Xúcar. A suya cuenca mide 4754,2 km² o suyo cabal meyo ye de 20,92 m³/s y a suya longaria ye de 220 km.
[editar] Lugars por a on pasa
Naixe oficialment en un parache d'o termin de Val Longuiello clamato Ojos del Cabriel, manimenos se puet puyar por o cauz ta una zona más alta, on se troba o despoblato de Val de Cabriuel, a pocos kilometros d'o naixedero d'o Tacho.
Pasa por os pueblos de La Zafriella, Marquesado, Alcalá de la Vega (y 2 km entabaixo un recolón pasa arredol de l'antigo Castiello de Serriella), Enguídanos, Villatoya, Villargordo del Cabriel y Pajaroncillo, y s'une a lo Xúcar en a localidat de Cofrentes, toponimo que talment endique forcallo u confluencia (CONFLUENTEM). Os suyos principals afluents son o Guadazaón, o Ojos de Moya y L'Albara.
O cauz d'o río s'ha aproveitato pa fer a muga entre a provincia de Cuenca y a provincia de Valencia. Tien un entibo, o entibo de Contreras, on se puet fer piragüismo. A suya orografía ye espectacular, destancando os Cuchiellos y as Foces d'el Cabriuel, on se puet fer rafting y piragüismo d'auguas blancas encara que nomás que en o periodo de sueltas d'o entibo de Contreras, dende chunio dica agosto.
[editar] Medio ambient
En as suyas auguas i ha barbols, truitas arcoiris introdueitas, truitas comuns y loiras.
A mán d'o cauz suyo bi ha un parache natural doble, las Foces d'el Cabriuel, que ye parque natural en a parte valenciana y reserva natural en a parte cuencana.
[editar] Toponimia
Se clamaba Cabrihuel en castellán antigo y tamién asinas s'escribe en textos meyevals d'Albarrazín d'o sieglo XIV escritos en aragonés; en catalán se diz riu Cabriol. Deducimos doncas, que o nombre orichinal no feba referencia a las crabas y si que feba referencia a lo cervido que en latín se diz CAPREOLUS, o corzo, y en catalán encara se diz cabirol. O cambeo d'o sufixo -uel por -iel puet estar paralelo con o caso de Rubihuelos-Rubielos en Gúdar-Chabalambre.
