Puertos de Bezeit
De Biquipedia
Los Puertos de Tortosa-Bezeit son un mazizo montañoso de lo Sistema Iberico situato en territorios de las probinzias de Castellón, Tarragona e Tergüel, que costituye la transizión con la Cordillera Prelitoral Catalana.
Abraca una estensión de 35.000 ha e rezibe diferents nomes Ports de Tortosa, Ports d'Horta, Ports de Beseit, etz...
Contenius |
[editar] Cheolochía estrutural
Pertenex á la unidat estrutural clamata Arco de Bezeit-Portalrubio, con direzions prenzipals de las estruturas intermeyas entre lo Sistema Iberico (norueste-sureste) e Catalanides (noreste-surueste). Bi ha series de cabalgamientos con berchenzia tanto ta lo norte como ta l'este.
[editar] Cheomorfolochía
Bi ha reliebes en costera. Son importants los prozesos karsticos. La suya altaria masima ye lo Mont Caro, de 1442 metros d'altaria.
[editar] Bechetazión
Bi ha estensas selbas, espezial pinetas de diferens espezies, lo Pinus halepensis en las partes més baxas, lo Pinus nigra por d'enzima de los 800 m e lo Pinus sylvestris u Pin royo por denzima de los 1000 m. Seguindo en importanzia bi ha carrascals, més que més arbustibos. Los caxicars crexen sopre los nibels d'archila u salagón e no pueden desembolicar-se sopre los nibels de calsineras por estar masibas u por estar dolomiticas. En la cuenca alta de lo río Zenia bi ha fayars relitos de entre los més meridionals d'Europa.
[editar] Fauna
Bi ye la mayor colonia de bucardo de la peninsula iberica, e ye d'una subespezie diferent de lo bucardo perinenco, que ye estinchito. Esto ha estato posible por la presenzia d'una baxa densidat umana e una orografía con barrancos, crestas, e tucas. Tamién bi ha importants presenzias de loiras e güeitres.
