Fayar

De Biquipedia

Un fayar, fayera, fabar, fabera u fabosa ye una selba on l'estrato arborio lo forma lo fayo en la suya mayor parte.

Los fayars son las selbas caduzifolias més carauteristicas. Las fuellas de los árbols agafan cuasi tota la luz e debaxo no plega prou luz pa que se desembolique un estrato arbustibo contino. L'ausenzia d'ixe estrato arbustibo permite que se forme un important estrato erbazio.

Muitos de los fayars presents en las sierras perinencas e preperinencas sobre sostratos calsinosos tienen un carauter diferent e se consideran submediterranios. Ye un fayar que á diferenzia de los fayars de zentreuropeus e atlanticos tien un estrato contino de buxo como los caxicars e carrascals supramediterranios con los que muga. Esta asoziazión se diz "fayar con buxo", y en ye un buen exemplo lo fayar de Malpás en l'Alta Ribagorza oriental.