Pruiquimat

Iste articlo trata sobre o lugar de Pruiquimat u Pueyo d'Esera. Ta atros emplegos d'os toponimos Pueyo y Pui se veigan Pueyo (desambigación) y Pui (desambigación).

Pruiquimat
Localidat d'Aragón
Entidat  • País  • Provincia  • Comarca  • Municipio	Lugar Aragón  Uesca Ribagorza Graus
Población  • Total	0 hab.
Altaria	666 m.
Codigo postal	22430

Pruiquimat, pronunciato /prui-ki-'ma/ (Pueyo d'Esera en aragonés orichinal) ye un lugar d'a Ribagorza situato a 9 km de Graus, perteneixién a este municipio. Huei ye despoblato.

Toponimia

En baixorribagorzano o nombre se pronuncia Pruiquimá. Antigament se dició Pueyo d'Esera (1208); pero cambeó ta Puy d'Esera y Puy Cremat, seguntes se vei en una mención de 1428: Grostan es sus aldeas, y es a saber Puy d'Esera alias, Puycremat. A forma Puycremat s'escribió tamién con grafía catalana, Puig Cremat (1339, 1359), chunto u deseparato. A forma Puycremat cambeó ta as formas actuals con metatesi, trafucamiento de i por y y perduga de -t final:

• Puy Cremat > Pruy quemat > Pruiquimá.

En a zona atra variant d'o nombre ye Pruquemá, que sintió Jean-Joseph Saroïhandy en 1896 a un grausino. A perduga d'a -t final en participios lexicalizatos se vei en baixorribagorzano (forá en estadillano d'antismás en cuenta de forat). A -t final etimolochica s'escribe, igual que se fa en atras parolas, encara que no se pronuncie.

Molimentos

• Ilesia romanica