Pano

Pano
Localidat d'Aragón
Entidat  • País  • Provincia  • Comarca  • Municipio	Lugar Aragón  Uesca Ribagorza Graus
Población  • Total	0 hab.
Altaria	891 m.
Distancia  • 99 km	enta Uesca
Codigo postal	22430

Pano ye un lugar d'a comarca d'a Ribagorza, pertenexién a lo municipio de Graus. Ye despoblato dende 1991.

Cheografía

Se troba en a versant d'a Cinca, baixo un cuello en a vía natural de comunicación d'a Baixa Ribagorza con A Fueva.

Historia

O suyo castiello s'edificó porque yera un punto estratechico important dende a on se vei a cuenca de l'Esera y d'a Cinca. Se i controla tamién o camín natural de salita dende A Fueva ta la Baixa Ribagorza.

Toponimia

O toponimo provién d'o latín PANDU (curvo, con bultos, un poquet doblegato, como o termino inchenieril pandeyo) y se troba en bells casos referindose a cuellos entre dos monts. A evolución d'o grupo -ND- enta -nn- y dimpués -n- yera normal en l'Alto Aragón antis mas:

• PANDU > Pando > Panno (sieglo XI) > Pano

Molimentos

Una ilesia romanica, as ruinas d'un castiello, y un monesterio abandonato.

Cusiosidatz

Por estar amán d'o monesterio de Dang Shang Kagyu teneba muitas visitas d'a chen que veniba a estar-se-ie uns días y plegó a tener un restaurant macrobiotico que rechentaban vecins de Balbastro, estando Pano despoblato.

Vinclos externos

• Se veigan as imáchens de Commons sobre Pano.